అది టీమిండియాకు మంచిది కాదు.. ర‌విశాస్త్రి వ్యాఖ్య‌ల‌ను ఖండించిన మంజ్రేక‌ర్‌

అస‌లు ర‌విశాస్త్రి ఏమ‌న్నాడంటే విరాట్ కోహ్లీ క‌చ్చితంగా మ‌రో రెండేళ్లు టీమిండియా టెస్టు కెప్టెన్‌గా జ‌ట్టును న‌డిపించేవాడ‌ని తెలిపాడు. అయితే రానున్న రెండేళ్ల‌లో టీమిండియాకు అన్ని హోం సిరీస్‌లే ఉన్నాయ‌ని, అవి కూడా టెస్ట్ ర్యాంకింగ్స్‌లో బాగా వెనుక ఉన్న జ‌ట్ల‌తో అని చెప్పాడు. దీంతో టెస్ట్ క్రికెట్‌లో కోహ్లీ విజ‌యాల సంఖ్య 50 నుంచి 60కి పెరిగేది అన్నాడు. కావున కోహ్లీకి అలాంటి రికార్డులు ద‌క్క‌డం ఇష్టం లేక‌, అత‌డు సాధించిన ఘ‌న‌త‌లు చూసి జీర్ణించుకోలేక‌, కొంద‌రు అత‌డిపై ఒత్తిడి తెచ్చి కెప్టెన్సీ నుంచి త‌న‌కు తానుగా త‌ప్పుకునేలా చేశార‌ని వ్యాఖ్యానించాడు. దీంతో ర‌విశాస్త్రి చేసిన‌ ఈ వ్యాఖ్య‌లు వివాద‌స్ప‌ద కావ‌డంతో ప‌లువురు ఖండించారు.

కాగా సౌతాఫ్రికా ప‌ర్య‌ట‌న‌లో టెస్ట్ సిరీస్‌లో భార‌త జ‌ట్టు 1-2తో ఓట‌మి పాలైంది. సిరీస్ ఓడిన త‌ర్వాతి రోజే తాను టెస్ట్ కెప్టెన్సీ నుంచి కూడా త‌ప్పుకుంటున్న‌ట్లు విరాట్ కోహ్లీ సంచ‌ల‌న ప్ర‌క‌ట‌న చేశాడు. కోహ్లీ అంత‌కు ముందే వ‌న్డే, టీ20 కెప్టెన్సీకి దూర‌మ‌య్యాడు. దీంతో ప్ర‌స్తుతం కెప్టెన్సీకి కోహ్లీ పూర్తిగా దూర‌మ‌య్యాడు. దీంతో విరాట్ కోహ్లీకి, బీసీసీఐ మ‌ధ్య విబేధాలు వ‌చ్చాయ‌నే వార్త‌లు కూడా వైర‌ల్‌గా మారాయి. ప్ర‌త్య‌క్షంగానే కెప్టెన్సీ విష‌య‌మై విరాట్ కోహ్లీ, బీసీసీఐ మ‌ధ్య మాట‌ల యుద్ధం నెల‌కొంది. దీంతో విరాట్ కోహ్లీ అభిమానులు తీవ్ర నిరాశ‌కు గుర‌వుతున్నారు.