Sania Mirza: పాక్ లేదా ఇండియా.. సానియా మీర్జా కొడుకు ఏ దేశం తరఫున క్రికెట్ ఆడతాడు ?.. సమాధానమిదే.. !

Sania Mirza: పాకిస్థాన్ మాజీ కెప్టెన్ షోయబ్ మాలిక్‌తో విడాకుల తర్వాత సానియా మీర్జా తన కొత్త జీవితంలో బిజీగా ఉంది. కానీ ఓ పాత వీడియో సోషల్ మీడియాలో వైరల్ అవుతోంది. ఆ వీడియోలో సానియా మీర్జాను ఆ ఆసక్తికరమైన ప్రశ్న అడిగారు. దానికి సానియా సమాధానం కూడా అంతే అద్భుతంగా ఇచ్చారు. సోషల్ మీడియాలో వైరల్ అవుతున్న వీడియోలో భారత టెన్నిస్ స్టార్, పాకిస్థాన్ క్రికెటర్ కొడుకు భవిష్యత్తు గురించి ఒక ప్రశ్న అడిగారు. 'యారోం కి బారాత్ 'అనే షోలో బాలీవుడ్ దర్శకుడు సాజిద్ ఖాన్ సానియా మీర్జాను ఒక ప్రశ్న అడిగారు. ఆ ప్రశ్న భారత్, పాకిస్థాన్ క్రికెట్ ప్రేమికులలో చర్చనీయాంశంగా మారింది.

ఈ ప్రశ్నకు సానియా మీర్జా చాలా ప్రశాంతంగా తెలివిగా సమాధానం చెప్పింది. సాజిద్ ఖాన్ అడిగిన ఈ ప్రశ్న ప్రేక్షకుల దృష్టిని ఆకర్షించడమే కాకుండా సానియా, షోయబ్ కుటుంబం, వారి జాతీయత గురించి ప్రజలలో ఉత్సుకతను పెంచింది. నిజానికి ఆ సమయంలో షోయబ్ మాలిక్, సానియా మీర్జా విడాకులు తీసుకోలేదు. మీ కొడుకు పెద్దవాడై క్రీడాకారుడిగా మారితే.. అతను ఏ దేశం తరపున ఆడతాడని సాజిద్ ఖాన్ సానియా మీర్జాను అడిగాడు. దీని గురించి తాను, షోయబ్ ఎప్పుడూ ఏమీ చర్చించలేదని ప్రశాంతంగా చెప్పింది. బహుశా నాబిడ్డ ఆటగాడు కాకపోవచ్చని.. నటుడు, టీచర్, వైద్యుడు వంటి మరేదైనా రంగంలో కెరీర్ ను కొనసాగించవచ్చని సానియా కూల్ గా చెప్పింది. అదే సమయంలో తాను, షోయబ్ ఇద్దరూ తమ తమ జాతీయత గురించి గర్వపడుతున్నామని.. ఈ ప్రశ్న గురించి ఎప్పుడూ మాట్లాడుకోలేదని సానియా మీర్జా స్పష్టం చేశారు.

అయితే సానియా మీర్జా, షోయబ్ మాలిక్ విడాకులు తీసుకున్న సంగతి తెలిసిందే. సానియా మీర్జా ఇప్పుడు తన కుమారుడు ఇజాన్ తో కలిసి దుబాయ్ లో నివసిస్తున్నారు. ఇటీవల సానియా తన దుబాయ్ ఇంటి నుంచి షోయబ్ పేరును తొలగించి.. తన కొడుకు పేరును జోడించింది. సానియా ఇప్పుడు తన కొడుకుతో తన కొత్త జీవితాన్ని పూర్తిగా గడుపుతోందని సూచిస్తోంది.