ట్విటర్‌కు సచిన్‌ ఫిర్యాదు: అన్నీ ఫేక్ అకౌంట్లు.. చర్యలు తీసుకోండి!!

అన్నీ ఫేక్ అకౌంట్లు:

బుధవారం సచిన్‌ మాట్లాడుతూ... 'నా కూతురు సారా, కుమారుడు అర్జున్‌కు ట్విటర్లో ఎటువంటి ఖాతాలు లేవు. వారి పేరు మీద సోషల్‌ మీడియాలో ఉన్న అకౌంట్లన్ని నకిలీవే. నకిలీ ఖాతాలలో అసభ్యకర పోస్టులు పెడుతున్నారు. అలాంటి వారిపై వెంటనే చర్యలు తీసుకోవాలి' పేర్కొన్నారు. సచిన్ వివరణతో సారా, అర్జున్‌లకు ఎటువంటి ట్విటర్ ఖాతాలు లేవని స్పష్టం అయింది.

అర్జున్‌ పేరుతో నకిలీ ఖాతా:

ఏడాదిన్నరగా అర్జున్‌ పేరిట నకిలీ ఖాతా నడుస్తుండడం గమనార్హం. @జూనియర్‌-టెండూల్కర్‌ పేరు మీద ఎవరో అర్జున్‌ లాగా ఖాతా తెరిచారు. అందులో వ్యక్తులకు, సంస్థలకు వ్యతిరేకంగా హానికరమైన పోస్టులు చేస్తున్నారు. ఈ ఖాతాలో 'లెఫ్ట్‌ ఆర్మ్‌ మీడియం పేసర్‌' అని ఉంది. 2018 జూన్‌ నుంచి జూనియర్‌ టెండూల్కర్‌ పేరిట యాక్టివ్‌గా ఉన్న ఈ అకౌంట్‌ ప్రొఫైల్‌ పిక్చర్‌, కవర్‌ ఇమేజ్‌గా అర్జున్‌ ఫొటోను వాడుతున్నారు.

జట్టు గెలుపు కోసం ఆడట్లేదు:

దేశవాళీ క్రికెట్‌ టోర్నీ దులీప్‌ ట్రోఫీలో చాలామంది ఆటగాళ్లు జట్టు గెలుపు కోసం కాకుండా.. వ్యక్తిగత ప్రదర్శనకే ప్రాధాన్యమిస్తున్నారని మంగళవారం ఓ ఇంటర్వ్యూలో సచిన్‌ అభిప్రాయపడ్డారు. ఈ టోర్నీని సంస్కరించేందుకు బీసీసీఐ అధ్యక్షుడు సౌరవ్‌ గంగూలీ చర్యలు చేపట్టాల్సి ఉందని పేర్కొన్నాడు. రంజీలో సెమీఫైనల్‌కు వెళ్లిన నాలుగు జట్లతో పాటు అండర్‌-19, అండర్‌ -23 జట్లను ట్రోఫీలో ఆడించాలని సూచించారు.