కోహ్లీ బాదే కవర్ డ్రైవ్స్ చాలా అందంగా ఉంటాయి
ఇందుకు కారణం టీమిండియా ప్రస్తుత కెప్టెన్ విరాట్ కోహ్లీని సచిన్తో పోల్చడమే. అయితే, ఇప్పటివరకూ విరాట్ కోహ్లీ సాధించిన ఘనతలు మాత్రం అసాధరణమని సచిన్ అన్నాడు. "ప్రతీ ఆటగాడు ఏదో ఒక షాట్ వల్ల గుర్తింపు తెచ్చుకుంటాడు. విరాట్ కోహ్లీ వరకూ వస్తే అతను కొట్టే కవర్ డ్రైవ్స్ చాలా అందంగా ఉంటాయి. ఆ షాట్లకు నేను పెద్ద అభిమానిని. అతడిని ఎవరితోనూ పోల్చలేం" అని సచిన్ అన్నాడు.
ఆస్ట్రేలియా పర్యటనపై సచిన్ టెండూల్కర్ ఇలా
కానీ కోహ్లీ సాధిస్తున్న ఘనతలు మాత్రం అపూర్వమని సచిన్ అన్నాడు. ఇదిలా ఉంటే నవంబర్ చివరి వారంలో ప్రారంభం కానున్న ఆస్ట్రేలియా పర్యటన భారత్కు చాలా ముఖ్యమైనదిగా సచిన్ టెండూల్కర్ అభిప్రాయపడ్డాడు. "ఆస్ట్రేలియా పర్యటన కోహ్లీకి పెద్ద సవాల్ అనడంలో ఎటువంటి సందేహం లేదు. వారి బ్యాటింగ్ లోతును అంచనా వేయడం కష్టం" అని సచిన్ చెప్పుకొచ్చాడు.
ఆసీస్తో భారత్కు గట్టి పోటీ ఉంటుంది
ఈ క్రమంలోనే ఆసీస్తో భారత్కు గట్టి పోటీ ఉంటుందని సచిన్ అన్నాడు. అయితే, ఆస్ట్రేలియా పర్యటనలో టీమిండియా విజయానికి అవకాశాలు మెండుగా ఉన్నాయని సచిన్ అన్నాడు. ప్రస్తుతం భారత జట్టు సమతూకంగా ఉందని, ముఖ్యంగా భారత జట్టులో క్వాలిటి స్పిన్నర్లు ఉన్నారని సచిన్ టెండూల్కర్ పేర్కొన్నాడు.
|
కోహ్లీ 30వ పడిలోకి విరాట్ కోహ్లీ
టీమిండియా కెప్టెన్ విరాట్ కోహ్లీ సోమవారం 30వ పుట్టినరోజుని జరుపుకుంటున్నాడు. ఈ సందర్భంగా కోహ్లీకి సోషల్ మీడియాలో మాజీ క్రికెటర్లతో పాటు ప్రస్తుత క్రికెటర్లు పుట్టినరోజు శుభాకాంక్షలు తెలుపుతున్నారు. తన అద్భుతమైన ఆటతీరుతో ఇప్పటికే అనేక రికార్డులను బద్దలు కొట్టిన కోహ్లీ... రాబోయే రోజుల్లో మరిన్ని రికార్డులు సాధించాలని కోరుకుంటున్నారు.