ఆ ఫోన్‌కాల్‌తో 2007లో రిటైర్మెంట్ ఆలోచన విరమించా: సచిన్

వివ్‌ రిచర్డ్స్‌ నుంచి ఫోన్ కాల్

అయితే, వివ్‌ రిచర్డ్స్‌ నుంచి వచ్చిన 45 నిమిషాల ఫోన్‌ కాల్‌‌తో తన నిర్ణయాన్ని మార్చుకున్నట్లు వరల్డ్‌కప్-2019 నేపథ్యంలో ఇండియా టూడే నిర్వహించిన సలామ్‌ క్రికెట్‌ 2019 కార్యక్రమంలో సచిన్ టెండూల్కర్ వెల్లడించాడు. ఈ సందర్భంగా సచిన్ మాట్లాడుతూ "2007 వరల్డ్ కప్ తర్వాత ఇక క్రికెట్‌ చాలనిపించింది. ఆ దశలో భారత క్రికెట్‌ చుట్టూ అనారోగ్యకర పరిస్థితులు నెలకొని ఉన్నాయి" అని అన్నాడు.

జట్టులో మార్పులు అవసరమని భావించా

"జట్టులో మార్పులు అవసరమని భావించా. ఆ మార్పులు జరగకపోతే క్రికెట్‌ నుంచి తప్పుకోవాలనుకున్నా. ఆటకు వీడ్కోలు పలకాలని దాదాపు 90 శాతం నిర్ణయించుకున్నా. అప్పుడే 2011 వరల్డ్ కప్ ఫైనల్ ముంబైలో జరుగుతుందని, ఆ అందమైన ట్రోఫీని నీ చేతులతో పట్టుకున్నట్లు ఊహించుకో అని మా సోదరుడు నాతో చెప్పాడు" అని చిన్‌ తెలిపాడు.

ఫామ్ హౌస్‌కి వెళ్లా

"ఆ తర్వాత నేను ఫామ్ హౌస్‌కి వెళ్లా. ఆ సమయంలో సర్‌ వివ్‌ రిచర్డ్స్ నుంచి నాకు ఫోన్‌ వచ్చింది. ‘నీలో ఇంకా చాలా క్రికెట్‌ ఉంది' అని ఆయన చెప్పారు. ఇద్దరం 45 నిమిషాలు మాట్లాడుకున్నాం. నా బ్యాటింగ్‌ హీరో నాకు ఫోన్‌ చేసినందుకు నాకు చాలా సంతోషపడ్డా. ఆ ఫోన్ కాల్ తర్వాత క్రికెట్ నుంచి తప్పుకోవాలన్న ఆలోచనను విరమించుకున్నా" అని సచిన్ తెలిపాడు.

2011 వరల్డ్‌కప్‌లో ట్రోఫ్ నెగ్గిన టీమిండియా

సచిన్ సోదరుడు చెప్పినట్లే 2011 వరల్డ్‌కప్‌లో మహేంద్ర సింగ్ ధోని నాయకత్వంలోని టీమిండియా వరల్డ్ కప్ ట్రోఫీని గెలిచింది. ఆ తర్వాత భారత్ తరుపున పలు మ్యాచ్‌లాడిన సచిన్ 2013 నవంబరులో అంతర్జాతీయ క్రికెట్‌కు వీడ్కోలు పలికారు. తన 24 ఏళ్ల సుదీర్ఘ కెరీర్‌లో 200 టెస్టులు, 463 వన్డేలాడిన సచిన్ టెస్టుల్లో 51 సెంచరీలు, వన్డేల్లో 49 సెంచరీలు సాధించారు.