కివీస్ పిచ్‌లో మార్పులు, చల్లని గాలులు వీస్తే ఏం చేయాలంటే: కోహ్లీసేనకు సచిన సలహా

నా తొలి పర్యటనతో పోలిస్తే

"నా తొలి పర్యటనతో పోలిస్తే వాటి స్వభావం చాలా మారింది. 2009లో ఇక్కడ పర్యటించినప్పుడు మిగిలిన పిచ్‌లతో పోలిస్తే హామిల్టన్‌ పిచ్‌ భిన్నంగా కనిపించింది. ఇప్పటికీ అది నునుపుగానే ఉంది. మిగతావి కఠినంగా మారాయి. వెలింగ్టన్‌, నేపియర్‌ పిచ్‌లు మృదుత్వాన్ని కోల్పోయాయి" అని సచిన్ టెండూల్కర్ వెల్లడించాడు.

1990 నుంచి 2009 వరకు ఐదు సార్లు

1990 నుంచి 2009 వరకు కివీస్‌లో రికార్డు స్థాయిలో సచిన్ ఐదుసార్లు పర్యటించిన సంగతి తెలిసిందే. ఇక, ఈ పర్యటనలో టీమిండియా బౌలింగ్‌పై సచిన్ ప్రశంసల వర్షం కురిపించాడు. "టీమిండియా మంచి స్పిన్నర్లు, పేసర్లు కలిగి ఉంది. వెల్లింగ్టన్‌లో ఆడేటప్పుడు చాలా జాగ్రత్తగా ఉండాలి. అక్కడ చల్లని గాలులు వీస్తాయి. బౌలింగ్‌లో వైవిధ్యం కనిపిస్తుంది" అని సచిన్ చెప్పాడు.

హిత్‌కు వన్డేల్లో ఓపెనింగ్‌ చేసిన అనుభవం

"బ్యాట్స్‌మన్‌ ఏ ఎండ్‌ నుంచి దాడి చేయాలో గుర్తించాలి. పేసర్లకు గాలి అనుకూలించినా స్పిన్నర్లతో బౌలింగ్ చేయించాలి. గాలి వీస్తున్న వైపు నుంచి పేసర్‌, మరో ఎండ్‌ నుంచి స్పిన్నర్‌తో బౌలింగ్ చేయించాలి. కివీస్ గడ్డపై రోహిత్‌కు వన్డేల్లో ఓపెనింగ్‌ చేసిన అనుభవం ఉంది. అయితే, టెస్టు క్రికెట్ మాత్రం భిన్నం. కివీస్‌ పచ్చికతో కూడిన పిచ్‌లను రూపొందిస్తే కష్టం" అని సచిన్ తెలిపాడు.