ఫోటోలు: గవాస్కర్‌తో పోల్చి రిటైర్మెంట్‌పై సచిన్ ఇలా చెప్పాడు

ఆ రోజు ఉదయం ఏదో మార్పు

అయితే ఆ రోజు ఉదయం ఏదో మార్పు కనిపించింది. జిమ్‌కు వెళ్లేందుకు మనసు రావడం లేదు. అయినా బలవంతంగా జిమ్‌కు వెళ్లాల్సి వచ్చింది. వీడ్కోలు పలికే సమయం ఆసన్నమైందా? గత కొన్నేళ్లుగా నాలో భాగమైన ఆట ఇక నా రోజువారీలో భాగం కాలేకపోతుందా? దానికి సూచనలే ఇవి అనిపించింది' అని అన్నాడు.

గవాస్కర్ చెప్పిన మాటలు గుర్తొచ్చాయి

'అప్పుడు సునీల్ గవాస్కర్ చెప్పిన మాటలు గుర్తొచ్చాయి. ఓ మ్యాచ్‌ సందర్భంగా గవాస్కర్‌ భోజనం, టీ విరామం కోసం సమయం ఎంత ఉందని పదేపదే చూశాడట. అప్పుడే అతడు నిర్ణయించుకున్నాడట ఇక రిటైర్మెంట్‌ ప్రకటించే సమయం వచ్చిందని. ఆరోజు అతడు ఏం చెప్పాడన్నది నాకిప్పుడు అర్థమైంది' అని సచిన్ తెలిపాడు.

వీడ్కోలు సమయం ఆసన్నమైంది

'వీడ్కోలు సమయం ఆసన్నమైందని ఆ రోజు ఉదయం నా మనసు, శరీరం సంకేతాలిచ్చాయి. స్టేడియంలోకి అడుగుపెడుతుంటే అభిమానులు సచిన్‌, సచిన్‌ అంటూ అరవడం ఓ గొప్ప అనుభూతి. వీడ్కోలు పలికితే అది దూరమవుతుంది. అందుకు నేను సిద్ధమా? అని ఆలోచించాను. కుటుంబ సభ్యులు, సన్నిహితులతో చర్చించి కఠిన నిర్ణయం తీసుకున్నా' అని సచిన్ అన్నాడు.

బట్టల ఇస్త్రీ నుంచి అన్ని పనులు నేనే సొంతంగా చేసుకునేవాణ్ని

‘బ్యాగ్‌ సర్దుకోవడంనుంచే నా ప్రయాణం ప్రారంభమైంది. బట్టల ఇస్త్రీ నుంచి అన్ని పనులు నేనే సొంతంగా చేసుకునేవాణ్ని. ఆ తర్వాత అదే అలవాటుగా మారిపోయింది అని అన్నారు. ఇక తన రెండో ఇన్నింగ్స్ సంతృప్తికరంగా సాగుతోందని సచిన్ వెల్లడించాడు.

ప్రస్తుతం టెక్నాలజీపై దృష్టిపెట్టాను

‘ప్రస్తుతం టెక్నాలజీపై దృష్టిపెట్టాను. ఆరోగ్యం, ఫిట్‌నెస్, లైఫ్‌స్టయిల్, క్లాతింగ్‌ ఇలా అభిరుచి ఉన్న రంగాల్లో ప్రవేశించాను. ఇందులో నా ఆలోచనల్ని పంచుకుని అవసరమైన వాటి తయారీలో భాగస్వామినవుతున్నాను' అని సచిన్ ఈ సందర్భంగా చెప్పుకొచ్చాడు.