ఎక్కడో తెలుసా?: మళ్లీ క్రీజులోకి సచిన్ టెండూల్కర్

24 ఏళ్ల క్రికెట్ కెరీర్‌లో ఎవ్వరికీ సాధ్యం కాని రికార్డులు

తన 24 ఏళ్ల క్రికెట్ కెరీర్‌లో ఎవ్వరికీ సాధ్యం కాని రికార్డులను సృష్టించి, అత్యున్నత శిఖరానికి అధిరోహించాడు. 2013లో అంతర్జాతీయ క్రికెట్‌కు వీడ్కోలు పలికిన సచిన్ టెండూల్కర్ మళ్లీ క్రీజులోకి అడుగుపెడుతున్నాడు. సచిన్ టెండూల్కర్ మళ్లీ ఆడడానికి సిద్ధమవుతున్నాడు. ఈ మేరకు సచిన్ తన ట్విట్టర్‌లో ఓ ట్వీట్ చేశాడు.

సచిన్ నిజంగా బ్యాటు పట్టుకుని

ఈ ట్వీట్‌ను రీట్వీట్ చేయడంతో ఆయన అభిమానుల్లో నూతన ఉత్సాహం కలిగింది. అయితే సచిన్ నిజంగా బ్యాటు పట్టుకుని, తిరిగి క్రీజులోకి అడుగుపెట్టడం లేదు. తాజాగా ‘100MB' పేరుతో ఓ యాప్ తీసుకొచ్చాడు. ఈ యాప్‌లో సచిన్ టెండుల్కర్ సాధించిన రికార్డులతో పాటు మోస్ట్ మెమొరబుల్ మూమెంట్స్‌కి సంబంధించిన సమాచారం అందుబాటులో ఉంటుంది.

లైవ్‌లో ఇంటరాక్ట్ అవ్వనున్న సచిన్

దీంతో పాటు ఈ యాప్ ఉపయోగించే వారితో సచిన్ టెండూల్కర్ లైవ్‌లో ఇంటరాక్ట్ అవుతాడు. సచిన్‌ టెండూల్కర్‌తో పాటు సురేశ్ రైనా, మిథాలీరాజ్ వంటి క్రికెటర్లు కూడా ఈ యాప్ వినియోగించే అభిమానులతో ముచ్ఛటించనున్నారు. ఈ యాప్‌లో లైవ్ క్రికెట్ స్కోర్లు, షెడ్యూల్స్ వంటి వివరాలు, గణాంకాలు అందుబాటులో ఉండబోతున్నాయి.