Sachin Tendulkar: మహారాష్ట్ర అసెంబ్లీ ఎన్నికల్లో ఓటు వేసిన సచిన్

భారత దిగ్గజ క్రికెటర్ (Sachin Tendulkar)సచిన్ టెండూల్కర్ మహారాష్ట్ర అసెంబ్లీ ఎన్నికల్లో తన ఓటు హక్కు వినియోగించుకున్నారు. మాస్టర్ బ్లాస్టర్ ముంబైలోని పోలింగ్ స్టేషన్‌లో తన ఓటు వేశారు. టెండూల్కర్ తన భార్య అంజలి, కుమార్తె సారాతో కలిసి పోలింగ్ స్టేషన్‌కు చేరుకుని ఓటు హక్కు వినియోగించుకున్నారు. తోటి పౌరులను ఓటు వేయాలని.. వారి ప్రజాస్వామ్య కర్తవ్యాన్ని నెరవేర్చాలని కోరారు.

"నేను చాలా కాలంగా ఎలక్షన్ కమిషన్ ఆఫ్ ఇండియా (ECI)కి ఐకాన్‌గా ఉన్నాను. ఓటు హక్కు ఉన్నవారు ఓటు వేయండి. ఇది మన బాధ్యత. ప్రతి ఒక్కరూ బయటకు వచ్చి ఓటు వేయాలని నేను కోరుతున్నాను," అని టెండూల్కర్ పేర్కొన్నారు. తన పోలింగ్‌లో అధికారులు చేసిన ఏర్పాట్లను సచిన్ మెచ్చుకున్నారు. ఓటు వేసిన తర్వాత, టెండూల్కర్, అంజలి, సారా తమ సిరా వేళ్లను మీడియాకు చూపారు. ప్రస్తుతం టెండూల్కర్ ప్రొఫెషనల్ క్రికెట్‌కు దూరంగా ఉన్న సమయాన్ని పూర్తిగా ఆస్వాదిస్తున్నాడు.

బ్యాటింగ్ లెజెండ్ తరచుగా తన వ్యక్తిగత జీవిత విషయాలను అభిమానులు, అనుచరులతో సోషల్ మీడియా వేదికగా పంచుకుంటాడు.ముంబై ఇండియన్స్‌కు మెంటార్, ఐకాన్‌గా, టెండూల్కర్ ఈ వారాంతంలో జరగబోయే ఇండియన్ ప్రీమియర్ లీగ్ (ఐపీఎల్) వేలంలో ముంబై తరుఫున పాల్గొనే అవకాశం ఉంది. సచిన్ చివరగా 2022 వరకు రోడ్ సేఫ్టీ వరల్డ్ సిరీస్‌లో ఆడాడు.

టెండూల్కర్ అత్యున్నత స్థాయిలో అసాధారణమైన పరుగు తర్వాత 2013లో రిటైర్మెంట్ ప్రకటించాడు. 200 టెస్ట్ మ్యాచ్‌లు ఆడాడు,.15,921 పరుగులు చేశాడు. ఇందులో 51 సెంచరీలు ఉన్నాయి. 463 వన్డేలు ఆడిన సచిన్.. 18,426 పరుగులు చేశాడు. వన్డేల్లో 49 సెంచరీలు చేశాడు. అంతర్జాతీయంగా 100 సెంచరీలు చేసిన ఏకైక క్రికెటర్‌గా సచిన్ టెండూల్కర్ రికార్డు సృష్టించాడు. టెండూల్కర్ ఒకే T20 మ్యాచ్ ఆడాడు.