అక్తర్ ఆత్మకధలో సచిన్‌‌, షారుఖ్‌పై వివాస్పద వ్యాఖ్యలు

న్యూఢిల్లీ: పాకిస్దానీ ఫేస్ బౌలర్ రావల్పిండి ఎక్స్‌ప్రెస్ 'షోయబ్ అక్తర్' ఎప్పుడూ వివాదాలలోనే ఉంటారు. ఈరోజు కొత్తగా మరో వివాదాన్ని సృష్టించారు. ఏంటా ఆ వివాదం అని అనుకుంటున్నారా.. షోయబ్ అక్తర్ తన ఆటో బయోగ్రఫీ 'Controversially Yours' లో క్రికెట్ దేవుడు సచిన్ టెండూల్కర్ తన బౌలింగ్‌లో భయపడ్డాడని వ్రాయడం జరిగింది. దాంతో ఒక్కసారిగా సచిన్ అభిమానులు అక్తర్ మండిపడుతున్నారు.

ఇది మాత్రమే కాకుండా షోయబ్ అక్తర్‌ని మొట్టమొదటసారి ఐపిఎల్ టీమ్ ప్రాంచైజీ కోల్‌కత్తా నైట్ రైడర్స్ కొనుగోలు చేయడం జరిగింది. ఆ సందర్బంలో కోల్‌కత్తా నైట్ రైడర్స్ టీమ్ యజమాని షారుఖ్ ఖాన్, ఐపిఎల్ చైర్మన్ లలిత్ మోడి తనని ఛీట్ చేశారని తన ఆత్మకధలో వ్రాయడం జరిగింది. అంతేకాకుండా ఈ పుస్తకంలో తన జీవితంలో సంభవించిన విజయాలు, వివాదాలు లాంటి సంఘటనులు అన్నింటిని కూడా పూస గుచ్చినట్లు ప్రస్తావించడం జరిగింది.

ఈ పుస్తకాన్ని వ్రాయడం కోసం సంవత్సరం మొత్తం కేటాయించడం జరిగిందని చెప్పడం జరిగింది. నా క్రికెట్ జీవితంలో జరిగిన సంఘటనలు అందరికి తెలియాలనే ఉద్దేశ్యంతోనే ఈ పుస్తకానికి శ్రీకారం చుట్టడం జరగిందని తెలియజేశాడు. ఈ పుస్తకంలో నా చిన్నతనంలో నేను హ్యాపీగా ఉన్న సందర్బాలు, అసలు పాకిస్దానీ క్రికెట్లోకి ఎలా అడుగుపెట్టడం జరిగింది లాంటి ముఖ్యమైన విషయాలను తెలియజేశానని అన్నారు. ఈ విషయంపై ఇంకా సచిన్ టెండూల్కర్, షారుఖ్ వారి స్పందనను తెలియజేయలేదు.