క్రికెట్ అనే ఆటకు మకుటం లేని మహారాజు పుట్టినరోజు ఈరోజు..

ఎవరి పేరు చెబితే రికార్డులకు పూనకమొస్తుందో.. ఎవరు అడుగు పెడితే స్టేడియాలు దద్దరిల్లుతాయో.. ఎవరు ఆట మొదలెడితే ప్రత్యర్థులు సాగిలపడతారో.. ఎవరు ఔటయితే అభిమానుల గుండెలు బరువెక్కుతాయో.. ఎవరు క్రీజులో ఉంటే కొండంత అండ సగటు భారత అభిమానిలో ఉంటుందో.. ఎవరు కుదురుకుంటే బౌండరీలు ఏరులై పారుతాయో.. అతనే ది మాస్టర్ బ్లాస్టర్, గాడ్ ఆఫ్ క్రికెట్, ఇండియన్ల ఆరాధ్య క్రికెటర్ సచిన్ టెండూల్కర్. సచిన్ ఆట గురించి, వ్యక్తిత్వం గురించి, టీమిండియాకు అందించిన సేవ గురించి ఎంత చెప్పినా తక్కువే. అంత గొప్ప క్రికెటర్ భారత్‌కు దొరకడం నిజంగా ఎనలేని వరమనే చెప్పాలి. ఇండియాలో క్రికెట్ ఒక మతమైతే ఆ మతానికి సర్వంతర్యామి సచిన్.. క్రికెట్ ఒక సామ్రాజ్యమైతే దానికి చక్రవర్తి సచిన్.. క్రికెట్ ఒక సంపద అయితే దానికి సర్వాధికారి సచిన్.. అలాంటి క్రికెట్ దేవుడు సచిన్ టెండూల్కర్ పుట్టినరోజు నేడు. ఈ సందర్భంగా సచిన్‌కు శుభాకాంక్షలు వెల్లువెత్తుతున్నాయి.

బయోబబుల్‌లోనే బర్త్‌డే సెలబ్రేషన్స్

భారత మాజీ కెప్టెన్ సచిన్ 1973లో ఏప్రిల్ 24న ముంబైలోని ఓ మహారాష్ట్ర కుటుంబంలో జన్మించాడు. సచిన్ ఈరోజు తన 49వ పుట్టినరోజును జరుపుకుంటున్నాడు. ముంబై ఇండియన్స్ జట్టు మెంటార్‌గా ఉన్న సచిన్ బయోబబుల్‌లోనే జట్టుతో పాటు బర్త్‌డేను జరుపుకోనున్నాడు. సచిన్ తండ్రి, ప్రముఖ మరాఠీ నవలా రచయిత రమేష్ టెండూల్కర్. సచిన్‌ను క్రికెట్ పరంగా తండ్రి ఎంతో ప్రోత్సహించాడు. సచిన్ రెండు దశాబ్దాలపాటు టీమిండియా క్రికెట్‌కు ఎనలేని సేవలందించడమే కాకుండా.. అనేక రికార్డులను కొల్లగొట్టాడు. అంతర్జాతీయ క్రికెట్లో 200టెస్టులు ఆడిన వ్యక్తిగా, 100 అంతర్జాతీయ సెంచరీలు చేసిన ప్లేయర్‌గా, 34,357అంతర్జాతీయ పరుగులు చేసిన క్రికెటర్‌గా.. చెబుతూ పోతే లెక్కలేనన్ని రికార్డులను తన పేరిట లిఖించుకున్నాడు.

డాన్ బ్రాడ్‌మాన్ తర్వాత సచిన్ శకం మొదలైంది

సచిన్ టెండూల్కర్ తన 16ఏళ్ల వయసులోనే పాకిస్తాన్‌ జట్టుపై అంతర్జాతీయ క్రికెట్లో అరంగేట్రం చేశాడు. క్రికెట్లో డాన్ బ్రాడ్‌మాన్ శకం ముగిశాక.. టెండూల్కర్ శకం మొదలైంది. టెండూల్కర్ తన కెరీర్లో... ఇంటర్నేషనల్ క్రికెట్లో అన్ని ఫార్మాట్లలో కలిపి 34,357పరుగులు చేశాడు. 200టెస్టులు ఆడిన సచిన్ టెస్టుల్లో 15,921పరుగులు, 463 వన్డేలలో 18,426పరుగులు, ఒకే ఒక టీ20 ఆడిన సచిన్ అందులో 10పరుగులు చేశాడు. 2010 ఫిబ్రవరి 24న గ్వాలియర్‌లో దక్షిణాఫ్రికాతో జరిగిన మ్యాచ్‌లో 147 బంతుల్లో 200పరుగులు నాటౌట్‌తో.. వన్డేల్లో డబుల్ సెంచరీ సాధించిన తొలి ఆటగాడిగా టెండూల్కర్ నిలిచాడు. రికార్డుస్థాయిలో ఆరు ప్రపంచ‌కప్ టోర్నీల్లో ఆడాడు. చివరగా ఆడిన 2011ప్రపంచకప్‌లో అతను టీమిండియాకు వరల్డ్‌కప్ సాధించాలన్న కలను సాకారం చేసుకున్నాడు.

ఐపీఎల్లోనూ సచిన్ మార్క్

సచిన్ తన చివరి అంతర్జాతీయ మ్యాచ్ అయిన 200వ టెస్ట్‌ను ముంబైలోని హోం గ్రౌండ్ వాంఖడే స్టేడియంలో ఆడాడు. 2013 నవంబర్లో వెస్టిండీస్‌తో తన చివరి టెస్ట్ సిరీస్‌ ఆడాడు. ఐపీఎల్లోనూ సచిన్ మెరిశాడు. టెండూల్కర్ ముంబై ఇండియన్స్ తరఫున ఐపీఎల్లో 78 మ్యాచులు ఆడాడు. ఐపీఎల్లో ఒక సెంచరీ సహా 13 హాఫ్ సెంచరీలతో మొత్తం 2,334పరుగులు చేశాడు. ఇక చెప్పుకుంటూ పోతే సచిన్ రికార్డుల గురించి ఒక గ్రంథమే అవుతుంది.

6⃣6⃣4⃣ international matches
3⃣4⃣,3⃣5⃣7⃣ international runs
1⃣0⃣0⃣ international tons
2⃣0⃣1⃣ international wickets

Here's wishing the ever-so-inspirational & legendary @sachin_rt a very happy birthday. 🎂 👏 🙌 #TeamIndia pic.twitter.com/d70JoSnJd8
— BCCI (@BCCI) April 24, 2022

Sachin Tendulkar in 2010 at the age of 37:

- Scored 618 runs in the IPL.
- Won Orange Cap.
- Scored most Test runs - 1562 at 78.10 Average.
- Scored 7 Test hundreds.
- Became first to score a double ton in men's ODI.

When a player generally retires by 37, he was at his peak. pic.twitter.com/AmRpUnvVDU
— Mufaddal Vohra (@mufaddal_vohra) April 24, 2022

Happy Birthday @sachin_rt paaji! You are an inspiration… your humility is admirable, your guidance invaluable. It’s always a pleasure to spend time with you and learn more about the game. pic.twitter.com/J0E3eRequ2
— Mayank Agarwal (@mayankcricket) April 24, 2022

Happy Birthday Paji @sachin_rt . Wishing you the best of health & happiness always. You are & will always remain the true icon of cricket. Keep shining! Keep inspiring us all! #HappyBirthdaySachin 🙌🤗 pic.twitter.com/pmgRX274Is
— Suresh Raina🇮🇳 (@ImRaina) April 24, 2022

A most auspicious day when someone of your goodness and talent came into this world, @sachin_rt.
May all your wishes be fulfilled far beyond your wildest dreams and may you live a healthy, prosperous and inspiring life filled with love. #HappyBirthdaySachin pic.twitter.com/IUIzCHJ6BL

— VVS Laxman (@VVSLaxman281) April 24, 2022