ప్రపంచ కప్: పోటీలు నెదర్లాండ్‌ను ఉతికి ఆరేసిన దక్షిణాఫ్రికా

మొహాలీ: వన్డే క్రికెట్‌ ప్రపంచ కప్‌ పోటీల్లో భాగంగా మొహాలీలోని పంజాబ్‌ క్రికెట్‌ స్టేడియంలో గురువారం జరిగిన మ్యాచులో దక్షిణాఫ్రికా నెదర్లాండ్ జట్టును ఉతికి ఆరేసింది. 231 పరుగుల భారీ తేడాతో నెదర్లాండ్‌పై దక్షిణాఫ్రికా విజయం సాధించింది. దక్షిణాఫ్రికా, నెదర్లాండ్స్‌ మ్యాచ్‌లో 352 పరుగుల విజయ లక్ష్యంతో బ్యాటింగ్‌ చేసిన నెదర్లాండ్స్‌ 29 ఓవర్లలో 5 వికెట్లు నష్టపోయి 102 పరుగుల చేసింది. ఆ తర్వాత 18 పరుగులకే మిగతా వికెట్లను కోల్పోయి చేతులెత్తేసింది. అంతకు ముందు టాస్‌ ఓడి బ్యాటింగ్‌ చేసిన దక్షిణాఫ్రికా నిర్ణీత 50 ఓవర్లలో 5 వికెట్లు కోల్పోయి 351 పరుగుల భారీ స్కోరు చేసింది. కల్లిస్ నెదర్లాండ్ వెన్ను విరిచాడు.

టాస్ ఓడిపోయి ముందుగా బ్యాటింగ్ చేసిన దక్షిణాఫ్రికా నిర్ణీత 50 ఓవర్లలో 5 వికెట్లు కోల్పోయి 351 పరుగులు చేసింది. నెదర్లాండ్స్ ముందు 352 పరుగులు విజయ లక్ష్యాన్ని ఉంచింది. ఆమ్లా (113), డీవిలియర్స్ (134) సెంచరీ చేయడంతో దక్షిణాఫ్రికా భారీ స్కోరు సాధించింది. డుమిని 40, స్మిత్ 20, కల్లిస్ 2 పరుగులు చేశారు. నెదర్లాండ్స్ బౌలర్లలోడాష్ చెట్ 3 వికెట్లు తీశాడు. లూట్స్‌కు ఒక వికెట్ దక్కింది. 352 పరుగుల లక్ష్యంతో బరిలోకి దిగిన నెదర్లాండ్స్ 26 పరుగులకే తొలి వికెట్ కోల్పోయింది. 7 ఓవర్లలో 35/1 స్కోరుతో ఆట కొనసాగిస్తోంది.