Click it and Unblock the Notifications
గ్లోబల్ టోర్నీల్లో మా అడుగులు
ఇకపోతే కేకేఆర్కు కరేబియన్ లీగ్ ఫ్రాంచైజీ అయిన ట్రిన్ బాగో నైట్ రైడర్స్ తరఫున ఆడే అకేల్ హోసేన్, సీక్కుగే ప్రసన్న, రవి రాంపాల్, అలీ ఖాన్ కూడా అబుదాబీ ఫ్రాంఛైజీకి ఆడేందుకు సైన్ చేశారు. శ్రీలకం లెఫ్టార్మ్ బ్యాటర్ చరిత్ అసలంక కూడా అబుదాబికి తన క్రికెట్ సేవలందించనున్నాడు. అతను టీ20 ప్రపంచకప్ 2021లో శ్రీలంక ప్రధాన రన్-స్కోరర్లలో ఒకడు అనే సంగతి తెలిసిందే. ‘గ్లోబల్ క్రికెట్ టోర్నీల్లో మా భాగస్వామ్యాన్ని కొనసాగించేందుకు అడుగులు వేస్తుండడం చాలా సంతోషంగా గొప్పగా ఉంది. IPLలో KKR, CPLలో TKR, ఇప్పుడు ILT20లో ADKR జట్లను మేం సొంతం చేసుకున్నాం.'అని నైట్ రైడర్స్ సీఈవో వెంకీ మైసూర్ పేర్కొన్నాడు.
వాళ్లందరికీ ఘన స్వాగతం
‘అబుదాబి నైట్ రైడర్స్ టీంలో మా ప్రధాన ప్లేయర్లు సునీల్ నరైన్, ఆండ్రీ రస్సెల్లను కలిగి ఉండటం చాలా సంతోషంగా ఉంది. జానీ బెయిర్స్టో లాంటి ఉద్ధండ ప్లేయర్ నైట్ రైడర్స్ కుటుంబంలో చేరినందుకు కూడా ఆనందిస్తున్నాం. ILT20లో అబుదాబి నైట్ రైడర్స్ జర్నీ సజావుగా సాగుతుందనే విషయంలో ఎటువంటి సందేహం లేదు. నైట్ రైడర్స్ కుటుంబానికి పాల్ స్టిర్లింగ్, చరిత్ అసలంక, కెన్నార్ లూయిస్, లహిరు కుమార, రేమన్ రీఫర్, బ్రాండన్ గ్లోవర్లకు ఘన స్వాగతం తెలుపుతున్నాం. ILT20 ఒక ఉత్తేజకరమైన టోర్నమెంట్ అని మేం ఆశిస్తున్నాం. ఈ టోర్నీలో భాగంగా టీ20 మజాను ఆస్వాదించేందుకు ఎదురుచూస్తున్నాం' అని వెంకీ మైసూరు చెప్పాడు.
అబుదాబి నైట్ రైడర్స్ స్క్వాడ్
సునీల్ నరైన్, ఆండ్రీ రస్సెల్, అకేల్ హోసేన్, రేమన్ రీఫర్, కెన్నార్ లూయిస్, రవి రాంపాల్ (వెస్టిండీస్), జానీ బెయిర్స్టో (ఇంగ్లాండ్), పాల్ స్టిర్లింగ్ (ఐర్లాండ్), లాహిరు కుమార, చరిత్ అసలంక, సీక్కుగే ప్రసన్న (శ్రీలంక), కోలిన్ ఇంగ్రామ్ (దక్షిణాఫ్రికా), అలీ ఖాన్ (అమెరికా), బ్రాండన్ గ్లోవర్ (నెదర్లాండ్స్).
అయితే నిబంధనల ప్రకారం.. ప్రతి టీం ప్లేయింగ్ 11లో ఇద్దరు యునైటెడ్ అరబ్ ఎమిరేట్స్ (UAE) ఆటగాళ్లు తప్పకుండా ఉండాలి. ప్రస్తుతానికి అయితే లోకల్ ప్లేయర్లు ఇంకా ఎంపికకాలేదు. వారు డ్రాఫ్ట్లో ఎంపిక కానున్నారు.
Continue with Google