ట్రెండింగ్‌.. రోహిత్‌ శర్మ #10YearChallenge

గత కొన్ని నెలలుగా సోషల్ మీడియాలో #10YearChallenge (టెన్ ఇయర్ ఛాలెంజ్) ట్రెండింగ్‌లో ఉంది. ఈ ఛాలెంజ్‌లో ప్రతి ఒక్కరు పదేళ్ల కిందట ఎలా ఉన్నారో, ఇప్పుడు ఎలా ఉన్నారో వారి ఫొటోలను షేర్ చేసి చూపిస్తున్నారు. ఇందులో సెలబ్రిటీలు కూడా మినహాయింపేమీ కాదు. ప్రస్తుతం అందరూ సోషల్ మీడియాలో 2009 - 2019 నాటి ఫొటోలను పోస్టు చేస్తున్నారు. ఇప్పుడు ఇదే ట్రెండ్.

ఐసీసీ క్రికెట్ వరల్డ్‌కప్ 2019 ప్రత్యేక వార్తల కోసం

తాజాగా టీమిండియా స్టార్ ఓపెనర్ , ముంబై ఇండియన్స్‌ కెప్టెన్‌ రోహిత్‌ శర్మకు సంబంధించిన #10YearChallenge ఫొటో సోషల్ మీడియాలో వైరల్‌గా మారింది. 2009 ఐపీఎల్‌లో అప్పటి దక్కెన్ చార్జెస్ జట్టుకు ఆడిన రోహిత్.. 'ఎమెర్జింగ్‌ ప్లేయర్‌' అవార్డు అందుకున్నాడు. ఇక 2019 ఐపీఎల్‌లో ముంబై జట్టుకు కెప్టెన్‌గా ఉండి ట్రోఫీ అందుకున్నాడు. 2009, 2019 ఫొటోలను జత చేసి షేర్‌ చేయడంతో.. ఆ ఫొటో ట్రెండింగ్‌లో ఉంది.

ఈ ఫొటోను అభిమానులు తెగ షేర్ చేస్తూ.. తమదైన స్టయిల్లో కామెంట్లు పెడుతున్నారు. 'ఐ లవ్ రోహిత్ శర్మ' అని ఓ అభిమాని పోస్ట్ చేసాడు. 'రోహిత్ హిట్ మ్యాన్ మాత్రమే కాదు మంచి కెప్టెన్' అని మరో అభిమాని పోస్ట్ చేసాడు. 'సచిన్ రిటైర్ అయ్యేప్పుడు.. కోహ్లీ, రోహిత్ టాలెంటెడ్ ప్లేయర్స్ అని చెప్పాడు', 'రోహిత్ గొప్ప కెప్టెన్, బ్యాట్స్‌మన్‌' అని అభిమానులు పోస్ట్ చేస్తున్నారు. గతంలో టెన్నిస్ దిగ్గజం రోజర్ ఫెదరర్ ఫొటో కూడా ట్రెండ్ అయింది.