రోహిత్ శర్మను ఇలా ఎప్పుడైనా చూశారా? నయా లుక్ చూస్తే షాక్ అవ్వాల్సిందే!

ఇంగ్లాండ్ పర్యటన ముగిసిన తర్వాత టీమిండియా స్టార్ బ్యాటర్ రోహిత్ శర్మ లండన్‌లో ప్రశాంతంగా విహారయాత్రను ఆస్వాదిస్తున్నాడు. ఈ పర్యటనలో భాగంగా ఆయన టీమిండియా మాజీ హెడ్ కోచ్ రవిశాస్త్రిని కలిశాడు. లండన్ వీధుల్లో వీరిద్దరూ సరదాగా సమయాన్ని గడిపిన దృశ్యాలు ప్రస్తుతం సోషల్ మీడియాలో విపరీతంగా వైరల్ అవుతున్నాయి.

IND vs SL: సరాన్ష్ జైన్ ఇన్.. మ్యాచ్ విన్నర్ ఔట్! శ్రీలంకతో టెస్ట్‌ సిరీస్ ఆడే భారత తుది జట్టు ఇదే!

క్లీన్ షేవ్ లుక్, రవిశాస్త్రి పోస్ట్
ఈ ఫోటోలో హిట్ మ్యాన్ రోహిత్ శర్మ గతానికి భిన్నంగా పూర్తి నయా లుక్‌లో కనిపిస్తున్నాడు. క్లీన్ షేవ్ చేసుకుని, తెల్లటి జ్యామితీయ డిజైన్లు ఉన్న స్టైలిష్ బ్లాక్ హాఫ్-స్లీవ్ షర్ట్, నల్లటి ప్యాంటు ధరించి ఎంతో క్లాసీగా ఉన్నాడు. రవిశాస్త్రి తన ఎక్స్ ఖాతాలో ఈ ఫోటోను పంచుకుంటూ.. "లండన్ పర్యటనలో ఎంతో రిలాక్స్ గా ఉన్న మన శర్మజీని కలవడం చాలా సంతోషంగా ఉంది!" అని రవిశాస్త్రి సరదాగా క్యాప్షన్ జత చేశారు.

రిటైర్మెంట్ రూమర్లు.. బీసీసీఐ క్లారిటీ
ఇంగ్లాండ్‌తో జరిగిన వన్డే సిరీస్‌ను రోహిత్ పేలవంగా ప్రారంభించాడు. తొలి రెండు మ్యాచ్‌లలో రోహిత్ కేవలం 11, 26 పరుగులు మాత్రమే చేయగలిగాడు. దీంతో హిట్ మ్యాన్ రిటైర్మెంట్‌పై ఊహాగానాలు మొదలయ్యాయి. లార్డ్స్‌లో జరిగే వన్డే రోహిత్ శర్మ చివరి అంతర్జాతీయ మ్యాచ్ కావచ్చని పలు నివేదికలు పేర్కొన్నాయి. అయితే టీమిండియా భవిష్యత్ ప్రణాళికలలో రోహిత్ ఓ కీలక భాగంగానే ఉంటాడని పేర్కొంటూ, బీసీసీఐ కార్యదర్శి దేవాజిత్ సైకియా వార్తలను ఖండించారు.

Also Read

దయచేసి టీమిండియాను పంపండి.. మా దేశం సురక్షితంగా ఉంది: బంగ్లాదేశ్

లార్డ్స్ వేదికగా సెంచరీతో సమాధానం
అనంతరం రోహిత్ శర్మ తన బ్యాట్‌తో విమర్శకులకు సమాధానమిచ్చాడు. లార్డ్స్‌లో జరిగిన వన్డేలో రోహిత్ శర్మ కేవలం 110 బంతుల్లో 138 పరుగుల అద్భుతమైన ఇన్నింగ్స్ ఆడాడు. ఈ ఇన్నింగ్స్‌లో హిట్ మ్యాన్ 17 ఫోర్లు, 5 సిక్సర్లు కొట్టాడు. భారత్ ఆ మ్యాచ్‌లో ఓడిపోయినప్పటికీ.. మ్యాచ్‌ల గమనాన్ని మార్చగల సత్తా తనకు ఇంకా ఉందని రోహిత్ ఖచ్చితంగా సందేశం పంపాడు.

సెప్టెంబర్ చివరిలో వెస్టిండీస్‌తో స్వదేశంలో జరిగే మూడు మ్యాచ్‌ల వన్డే సిరీస్‌లో రోహిత్ శర్మ తిరిగి బరిలోకి దిగే అవకాశం ఉంది. 2027 వన్డే ప్రపంచ కప్‌ను దృష్టిలో ఉంచుకుంటే, ఈ సిరీస్ రోహిత్ శర్మ చాలా కీలకమైనదిగా భావిస్తున్నారు.