'సందేహమే లేదు.. పంత్ ఓ సూపర్ స్టార్'

పంత్‌ను ప్రశంసిస్తోన్న మైకేల్‌ వాన్‌

రెండో టెస్టు తొలి ఇన్నింగ్స్‌లో అతడు రహానె (80)తో కలిసి 146 పరుగుల కీలక భాగస్వామ్యం అందించాడు. 92 పరుగుల వద్ద ఔటవ్వడంతో త్రుటిలో సెంచరీ చేజార్చుకున్నాడు. టెస్టుల్లో మెరుపులు మెరిపిస్తున్న రిషబ్‌ పంత్‌ను ఇంగ్లాండ్‌ మాజీ క్రికెటర్‌ మైకేల్‌ వాన్‌ అభినందించాడు.

సందేహమే లేదు. పంత్‌ ఒక సూపర్‌స్టార్‌

అతడిలో ఒక సూపర్‌స్టార్‌ కనిపిస్తున్నాడని ప్రశంసించాడు. ‘సందేహమే లేదు. రిషబ్‌ పంత్‌ ఒక సూపర్‌స్టార్‌ కాబోతున్నాడు'అని ట్వీట్‌ చేశాడు. ఇంగ్లాండ్‌ సిరీస్‌లో అరంగేట్రం చేసిన ఈ ఎడమచేతి వాటం బ్యాట్స్‌మెన్‌ భీకరమైన ఇన్నింగ్స్‌లు ఆడగలడు.

వరుసగా రెండు టెస్టుల్లోనూ పంత్‌ 90+

చివరి టెస్టులో అతడి శతకం అద్భుతం. దీంతో ఇంగ్లాండ్‌లో సెంచరీ బాదిన భారత తొలి వికెట్‌ కీపర్‌గా రికార్డు సృష్టించాడు. వికెట్‌ కీపర్‌ బ్యాట్స్‌మన్‌ రిషబ్‌ పంత్‌ కూడా సిరీస్‌లో తక్కువగా ఏమీ ఆడలేదు. వరుసగా రెండు టెస్టుల్లోనూ పంత్‌ 90+ స్కోర్లు చేశాడు. రెండో రోజు ఓవైపు రహానె సింగిల్‌ తీయడానికి ఇబ్బంది పడుతున్నా.. పంత్‌ మాత్రం రెచ్చిపోయి బ్యాటింగ్‌ చేశాడు.

వన్డే ఆటతీరుతో రహానెకు ధైర్యాన్నిస్తూ..

వన్డే తరహా ఆటతీరుతో రహానెకు ధైర్యాన్నిస్తూ.. టీమిండియాలో ఆత్మవిశ్వాసం నింపాడు. క్రీజులో కుదురుకోగానే సిక్సర్లతో చెలరేగాడు. తన ప్రదర్శనతో షా, పంత్‌ ఆస్ట్రేలియా పర్యటనకు దాదాపుగా టిక్కెట్లు బుక్‌ చేసుకున్నట్లే. ఐతే స్వదేశంలో విండీస్‌పై ఆడినట్లు ఆస్ట్రేలియాలో ఆడితే కుదరదు.