Click it and Unblock the Notifications
కాఫీ విత్ కరణ్ టాక్ షోపై పెద్ద ఎత్తున విమర్శలు
మరోవైపు కేఎల్ రాహుల్ కూడా తన జేబులో కండోమ్‌ ప్యాకెట్ గురించి వివరిస్తూ వివాదాస్పదంగా చెప్పుకొచ్చాడు. తన జేబులో కండోమ్‌ ప్యాకెట్ గురించి వివరిస్తూ తన తండ్రి ‘ఫర్వాలేదు రక్షణ కవచం వాడుతున్నావు' అంటూ ప్రశంసించాడని వివాదాస్పదరీతిలో చెప్పుకొచ్చాడు. ఈ షో ఇటీవల ప్రసారం కాగా పెద్ద ఎత్తున విమర్శలు చెలరేగాయి.
సోషల్ మీడియాలో నెటిజన్లు అభిమానులు
భారత క్రికెట్ జట్టుకు ఆడుతూ హుందాగా వ్యవహరించాల్సిన ఇద్దరు క్రికెటర్లు ఇలా మాట్లాడటంపై సోషల్ మీడియాలో అభిమానులు మండిపడుతున్నారు. ఈ నేపథ్యంలో హార్దిక్ పాండ్యా, కేఎల్ రాహుల్‌పై రెండు వన్డేల నిషేధం విధించాలని తాను ప్రతిపాదించినట్లు బీసీసీఐ పాలకుల కమిటీ ఛైర్మన్ వినోద్ రాయ్ ఇప్పటికే స్పష్టం చేశారు.
వన్డే సిరిస్‌లో ఆడటంపై అనుమానాలు
దీంతో శనివారం నుంచి ఆస్ట్రేలియాతో ప్రారంభం కానున్న మూడు టెస్టు మ్యాచ్‌ల సిరిస్‌లో ఆడటంపై అనుమానాలు నెలకొన్నాయి. రెండు వన్డేల నిషేధం వార్తలు రావడంతో హార్దిక్ పాండ్యా కోచ్ రవిశాస్త్రి, ధోనీ సాయాన్ని కోరినట్లు తెలుస్తోంది. ఈ మేరకు తొలుత వారిద్దరికీ క్షమాపణలు చెప్పిన పాండ్యా.. తన సోదరుడు, న్యూజిలాండ్‌తో టీ20 సిరీస్‌కి ఎంపికైన కృనాల్‌ పాండ్యాతో కూడా ఫోన్‌లో మాట్లాడినట్లు వార్తలు వస్తున్నాయి.
