IPL 2025: ఛాంపియన్‌గా ఆర్సీబీ.. మనసులోని మాటను బయటపెట్టిన కింగ్ కోహ్లీ

IPL 2025: ఐపీఎల్ ఇప్పుడు రాయల్ ఛాలెంజర్స్ బెంగళూరు రూపంలో కొత్త ఛాంపియన్ ను పొందింది. ఈ సీజన్ ఆర్సీబీకి చాలా అద్భుతంగా ఉంది. ఆర్సీబీ జట్టు బౌలింగ్ నుంచి బ్యాటింగ్ వరకు చాలా బలంగా కనిపించింది. దీని వల్ల 18 ఏళ్లుగా ఎదురుచూస్తున్న ఆర్సీబీ కల నెరవేరింది. మ్యాచ్ గెలిచన తర్వాత ఆర్సీబీ స్టార్ ప్లేయర్ విరాట్ కోహ్లీ చాలా భావోద్వేగానికి గురయ్యాడు. మ్యాచ్ ముగిసిన వెంటనే కోహ్లీ స్టేడియంలో ఎమోషనల్ అయ్యాడు. ఇప్పుడు ఐపీల్ ట్రోఫీ గెలిచిన తర్వాత తన సోషల్ మీడియా ఖాతాలో మొదటి పోస్టును షేర్ చేశాడు. ఆ పోస్టు ఇప్పుడు వైరల్‌గా మారింది.

వెలుగులోకి విరాట్ కోహ్లీ మొదటి పోస్ట్
విరాట్ కోహ్లీ ఐపీఎల్ ప్రారంభం నుంచి ఆర్సీబీ తరఫున ఆడుతున్నాడు. రాయల్ ఛాలెంజర్స్ బెంగళూరు ఐపీఎల్ ఫైనల్‌కు చేరుకున్నప్పుడల్లా విరాట్ కోహ్లీ జట్టులో భాగమయ్యాడు. ఒకసారి ఆర్సీబీ విరాట్ కోహ్లీ కెప్టెన్సీలో ఫైనల్ ఆడింది కానీ టైటిల్ గెలవలేకపోయింది. విరాట్ కోహ్లీ ప్రతి సీజన్‌లో అద్భుతంగా ఆడాడు. ఈ ఐపీఎల్ ట్రోఫీ కోసం విరాట్ కోహ్లీ ఎన్ని ఆశలు పెట్టుకున్నాడో అతని కన్నీళ్ల ద్వారా తెలుస్తోంది.

అదే సమయంలో ఛాంపియన్ అయిన తర్వాత విరాట్ కోహ్లీ ఇన్‌స్టాగ్రామ్ లో మొదటి పోస్ట్‌ను షేర్ చేశాడు. ఆ పోస్టుకు క్యాప్షన్ ఇలా రాసుకొచ్చాడు. "ఈ సీజన్‌ను నేను ఎన్నడూ మరిచిపోలేను. గత రెండున్నర నెలలుగా జరిపిన ఈ అద్భుతమైన ప్రయాణాన్ని మేము ఎంతో ఆస్వాదించాము. ప్రతి మ్యాచ్, ప్రతి క్షణం, మాకు ఓ ప్రత్యేక అనుభూతిని ఇచ్చింది. ఎప్పుడు గెలిచాం అని కాదు.. ఎప్పుడు ఓడినా కూడా మాతో ఉన్న వాళ్ల కోసం ఈ ట్రోఫీ. గతంలో జరిగిన అంతటి నిరాశలకూ, కన్నీళ్లకూ ఇది ఒక గొప్ప సమాధానం. ఈ విజయాన్ని మీకు చూపించడానికి ఎంతో గర్వంగా ఉంది. ఈ జట్టులోని ప్రతి ఆటగాడు తన శక్తిని చివరి బంతి వరకూ జట్టుకోసం వెచ్చించాడు. మేం ప్రతి అంగుళాన్ని పోరాడాం.. ప్రతి దశలో ఆత్మవిశ్వాసాన్ని చూపించాం. ఈ ట్రోఫీ ఆ కృషికి ప్రతిఫలం. ఐపీఎల్ ట్రోఫీపై చేతులు వేసే ఈ రోజు కోసం నన్ను 18 ఏళ్లు వేచిచూశాను.. కానీ ఇప్పుడది పూర్తిగా సార్థకమైంది. ఆ గడిచిన సమయం ఎంతో విలువైంది. ఈ విజయం నాకు జీవితాంతం గుర్తుండిపోతుంది." అని విరాట్ కోహ్లీ పేర్కొన్నాడు.

ఈ సీజన్ విరాట్ కోహ్లీకి చాలా ప్రత్యేకం
ఐపీఎల్ 2025 సీజన్ విరాట్ కోహ్లీకి చాలా అద్భుతంగా ఉంది. ఈ సీజన్‌లో విరాట్ కోహ్లీ 15 మ్యాచ్‌లలో బ్యాటింగ్ చేస్తూ 657 పరుగులు చేశాడు. ఈ సమయంలో విరాట్ కోహ్లీ బ్యాట్ నుంచి 8 హాఫ్ సెంచరీలు వచ్చాయి. ఈ సీజన్‌లో అత్యధిక పరుగులు చేసిన వారిలో విరాట్ కోహ్లీ మూడో స్థానంలో ఉన్నాడు. ఫైనల్‌లో కూడా విరాట్ కోహ్లీ పంజాబ్ కింగ్స్‌తో జరిగిన మ్యాచ్‌లో 43 పరుగులతో మంచి ఇన్నింగ్స్ ఆడాడు. దీని కారణంగా ఆర్సీబీ 20 ఓవర్లలో 190 పరుగులు చేయగలిగింది. దీని తర్వాత పంజాబ్ కింగ్స్ జట్టు 184 పరుగులు మాత్రమే చేయగలిగింది.