అశ్విన్‌ కోచింగ్‌ అలెర్ట్‌.. నవ్వులు పూయిస్తున్న రజనీకాంత్ వీడియో!!

బాంబులతో కాదు.. సాఫ్ట్‌బాల్స్‌:

తాజాగా సూపర్ స్టార్ రజనీకాంత్ సినిమాలోని ఓ ఫైటింగ్ సీన్ వీడియోను రవిచంద్రన్ అశ్విన్ పోస్టు చేశాడు. 'మీలో అంతర్లీనంగా ఉన్న రజనీకాంత్‌ను బయటకు తీయండి' అంటూ కామెంట్‌ చేశాడు. వీడియోలో విలన్లు రజనీపై బాంబులు విసురుతుంటారు. వాటిని ఒడుపుగా పట్టుకుని తిరిగి వారిపైకే విసురుతుంటాడు రజనీ. ఆన్‌లైన్ కోచింగ్ అలెర్ట్ అన్న అశ్విన్.. ఇంటి వద్ద అందరూ ఈ ఫీల్డింగ్ డ్రిల్స్‌ను ప్రాక్టీస్ చేయాలని కోరాడు. అయితే చిన్న షరతు కూడా పెట్టాడు. బాంబులతో కాకుండా సాఫ్ట్ బాల్స్‌తో మాత్రమే ప్రాక్టీస్ చేయాలని సూచించాడు.

ఫ్యాన్స్‌ ఎంజాయ్‌:

ఈ వీడియోకి సోషల్ మీడియాలో విపరీతమైన స్పందన వస్తోంది. ఈ తరహా వీడియోలను మరికొన్ని పోస్ట్‌ చేస్తున్న నెటిజన్లు అదిరే కామెంట్లు చేస్తున్నారు. చూశావా ఇది మా ఆన్‌లైన్‌ కోచింగ్‌ అలెర్ట్‌ అంటూ దీటుగా బదులిస్తున్నారు. ఏది ఏమైనా అశ్విన్‌ పోస్ట్‌ చేసిన వీడియో నవ్వులు పూయించడంతో ఫ్యాన్స్‌ బాగా ఎంజాయ్‌ చేస్తున్నారు. సూపర్ స్టార్ రజనీకాంత్ వీడియో కావడంతో మరింత వైరల్ అవుతోంది.

ఆన్​లైన్ పాఠాలు:

లాక్​డౌన్ కొనసాగుతున్న నేపథ్యంలో తమ అకాడమీల్లో శిక్షణ పొందుతున్న యువ ప్లేయర్లకు శిక్షణ ఇచ్చేందుకు క్రికెటర్లు ఆన్​లైన్ బాట పట్టారు. ఈ జాబితాలో మహేంద్ర సింగ్ ధోనీ, రవిచంద్రన్ అశ్విన్ కూడా ఉన్నారు. ధోనీ అకాడమీలో యువకులకు శిక్షణ ఇస్తున్న కోచ్​లకు ఆన్​లైన్ ద్వారా ధోనీ సూచనలు, సలహాలు ఇస్తున్నాడు. క్రికెట్ కోచింగ్​తో పాటు ఫిట్​నెస్​పై బోధించాల్సిన అంశాలపై వివరిస్తున్నాడు. అశ్విన్ అకాడమీ కూడా ఇలాంటి కార్యక్రమాలే నిర్వహిస్తున్నది. శిక్షణ తీసుకుంటున్న యువ క్రికెటర్లకు ఆన్​ద్వారానే పాఠాలు బోధిస్తున్నది. కొన్నిసార్లు అశ్విన్ స్వయంగా ఆన్​లైన్ సెషన్స్​లో పాల్గొంటున్నాడట.