ఆ విషయంలో భువనేశ్వర్ కుమార్‌తో రెగ్యులర్‌గా వాగ్వాదం జరిగేదన్న రవిశాస్త్రి

రెగ్యులర్ ప్లేయర్‌గా ఉండాల్సినోడు

ముంబై ఇండియన్స్‌తో జరిగిన మ్యాచ్‌లో భువనేశ్వర్ 19వ ఓవర్‌ బౌలింగ్ వేసి ఒక వికెట్ తీశాడు. అలాగే ఒక్కపరుగు ఇవ్వకుండా ఆ ఓవర్ మెయిడెన్ చేశాడు. దీంతో మ్యాచ్ సన్ రైజర్స్ వైపు మలుపు తీసుకుంది. చివరికి ముంబై 3పరుగుల తేడాతో సన్ రైజర్స్ చేతిలో ఓడిపోయింది. అయితే ఈ మ్యాచ్‌లో భువీ ప్రదర్శనను మెచ్చుకున్న మాజీ టీమిండియా ప్రధాన కోచ్ రవిశాస్త్రి భువనేశ్వర్ ఆకట్టుకునే ప్రదర్శనల గురించి వివరంగా మాట్లాడాడు. అతని ఫిట్‌నెస్ గురించి శాస్త్రి తరచుగా భువీతో వాదించేవాడని వెల్లడించాడు. శాస్త్రి ప్రకారం.. భువనేశ్వర్ ఫిట్‌ నెస్‌తో ఉంటే అన్ని ఫార్మాట్లలో భారత్‌కు రెగ్యులర్ ప్లేయర్‌గా ఉండేవాడని పేర్కొన్నాడు.

అందుకే భువీతో వాదించేవాడిని

భువీ బౌలింగ్ పట్ల నాకేమీ ఆశ్చర్యం లేదు. నేను భువీ (భువనేశ్వర్ కుమార్)ని కలిసిన ప్రతిసారీ అతనితో వాదించాల్సి వచ్చేది. అతను తన ఫిట్‌నెస్‌పై ఎక్కువ దృష్టి పెట్టగలిగితే, సరిగ్గా ఫిట్ నెస్ మెయింటెన్ చేయగలిగితే.. టీమిండియా తరఫున అన్ని ఫార్మాట్‌లలో ఉండే ఆటగాడు అతను. అతని అనుభవం, సామర్థ్యం అసాధారణం అని నేను చెప్పగలను. ఇంగ్లాండ్ లేదా న్యూజిలాండ్‌లో పర్యటించిన ప్రతిసారీ.. భువీ ఫిట్‌నెస్ లోపంతో ఇబ్బంది పడి జట్టుకు దూరమయ్యేవాడు అని శాస్త్రి ఈఎస్పీఎన్‌ఇన్ఫోతో అన్నాడు.

అతను ఫిట్‌గా ఉంటే ఆటోమేటిక్‌గా సెలెక్ట్ అవుతాడు

'గత రెండేళ్లలో భువీ టెస్టుల్లో 50వికెట్లు కోల్పోయాడని నేను చెప్పగలను. అతను ఫిట్‌గా ఉంటే భారత జట్టుకు ఆటోమేటిక్‌గా ఎంపికవుతాడు.' అని శాస్త్రి పేర్కొన్నాడు. ఇకపోతే భువనేశ్వర్ కుమార్ శ్రీలంకతో జరిగిన మునుపటి టీ20 సిరీస్‌లో టీమిండియా తరఫున ఆడాడు. ఇకపోతే అతను టెస్టుల్లో 2018 జనవరిలో టీమిండియా దక్షిణాఫ్రికాలో పర్యటించినప్పుడు చివరిసారిగా ఆడాడు. అంటే దాదాపు నాలుగేళ్లుగా టెస్టుల్లో భువీ కన్పించలేదు.