9 ఓవర్లు 110 పరుగులు: వరల్డ్‌కప్ చరిత్రలో రషీద్ ఖాన్ చెత్త గణాంకాలు

Rashid Khans 110 of 9 Overs Becomes Most Expensive Bowling Figures in World Cup History

హైదరాబాద్: మోడ్రన్ డే క్రికెట్‌లో ప్రపంచ అత్యుత్తమ స్పిన్నర్లలో ఆప్ఘన్ యువ సంచలనం రషీద్‌ ఖాన్‌ ఒకడు. అయితే, ఇంగ్లాండ్‌తో జరిగిన వరల్డ్‌కప్ మ్యాచ్‌లో ఓ చెత్త రికార్డుని తన ఖాతాలో వేసుకున్నాడు. మాంచెస్టర్ వేదికగా మంగళవారం ఇంగ్లాండ్-ఆప్ఘనిస్థాన్ జట్లు తలపడ్డాయి.

ఈ మ్యాచ్‌లో రషీద్ ఖాన్ తన కెరీర్‌లోనే అత్యంత చెత్త గణాంకాలను నమోదు చేశాడు. ఈ మ్యాచ్‌లో ధారాళంగా పరుగులు సమర్పించుకున్నాడు. 9 ఓవర్లు వేసి ఒక్క వికెట్ కూడా తీయకుండా 110 పరుగులు సమర్పించుకున్నాడు. దీంతో వరల్డ్‌కప్‌ చరిత్రలో అత్యధిక పరుగులు ఇచ్చిన బౌలర్‌గా రషీద్‌ నిలిచాడు.

ఐసీసీ క్రికెట్ వరల్డ్‌కప్-2019 ప్రత్యేక వార్తల కోసం

దీంతో పాటు వన్డేల్లో అత్యధిక పరుగులు సమర్పించుకున్న ఆఫ్ఘన్ బౌలర్‌గా కూడా చెత్త రికార్డుని తన ఖాతాలో వేసుకున్నాడు. గతంలో ఆప్ఘనిస్థాన్ తరుపున గుల్బదిన్ నైబ్‌ 101 పరుగులు ఇవ్వాగా... ఈ మ్యాచ్‌లో రషీద్ ఖాన్ 110 పరుగులిచ్చి ఆ రికార్డుని బద్దలు కొట్టాడు. రషీద్‌ ఖాన్‌ బౌలింగ్‌లో ఇంగ్లాండ్‌ బ్యాట్స్‌మెన్ 11 సిక్సర్లు సాధించారు.

1
43667

మోర్గాన్‌ సిక్సర్ల వర్షం

ఈ మ్యాచ్‌లో ఇంగ్లాండ్ కెప్టెన్‌ ఇయాన్‌ మోర్గాన్‌ సిక్సర్ల వర్షం కురిపించాడు. 57 బంతుల్లో 11 సిక్సర్లు, 3 ఫోర్ల సాయంతో సెంచరీ సాధించాడు. 36 బంతుల్లో హాఫ్‌ సెంచరీ పూర్తి చేసుకున్న మోర్గాన్‌ దానిని సెంచరీగా మలచేందుకు ఆ తర్వాత 21 బంతుల్నే తీసుకున్నాడు. ఈ మ్యాచ్‌లో సిక్స్‌తో హాఫ్‌ సెంచరీ పూర్తి చేసుకోగా, సెంచరీనే కూడా సిక్స్‌తోనే సాధించాడు.

43వ ఓవర్లో ఏకంగా మూడు సిక్సర్లు

వన్డేల్లో మోర్గాన్‌కి ఇది 13వ సెంచరీ. ఈ క్రమంలో రషీద్ ఖాన్ వేసిన 43వ ఓవర్లో ఏకంగా మూడు సిక్సర్లు బాది కేవలం 57 బంతుల్లోనే సెంచరీ పూర్తి చేసుకున్నాడు. ఈ క్రమంలో మోర్గాన్ అరుదైన ఘనత సాధించాడు. ప్రపంచకప్ చరిత్రలో అత్యంత వేగంగా సెంచరీ నమోదు చేసిన నాలుగో ఆటగాడిగా రికార్డు నెలకొల్పాడు.

నాలుగో వికెట్‌గా మోర్గాన్ ఔట్

అయితే 71 బంతుల్లో 17 సిక్సర్లు, 4 ఫోర్లతో 148 పరుగులు సాధించిన తర్వాత మోర్గాన్‌ నాలుగో వికెట్‌గా ఔటయ్యాడు. దీంతో పాటు ఈ మ్యాచ్‌లో మోర్గాన్ వన్డేల్లో 200 సిక్సర్ల మైలురాయిని అందుకున్నాడు. వన్డేల్లో ఈ ఘనత సాధించిన ఎనిమిదో బ్యాట్స్‌మన్ మోర్గాన్ అరుదైన ఘనత సాధించాడు.

అత్యధిక సిక్సర్ల కొట్టిన రికార్డు

ఈ క్రమంలోనే ఒక వరల్డ్‌కప్‌ మ్యాచ్‌లో అత్యధిక వ్యక్తిగత సిక్సర్ల కొట్టిన రికార్డును సొంతం చేసుకున్నాడు. గతంలో వరల్డ్‌కప్‌లో విండిస్ విధ్వంసకర బ్యాట్స్‌మన్ క్రిస్ గేల్‌ 16 సిక్సర్లు బాదగా... ఈ మ్యాచ్‌లో 17 సిక్సర్లు బాది మోర్గాన్ దానిని అధిగమించాడు. ఈ మ్యాచ్‌లో మోర్గాన్‌ సెంచరీకి తోడు బెయిర్‌ స్టో(90), జోరూట్‌(88)లు హాఫ్‌ సెంచరీలతో చెలరేగాు.

397 పరుగులు చేసిన ఇంగ్లాండ్

దీంతో ఇంగ్లాండ్ నిర్ణీత ఓవర్లలో 6 వికెట్ల నష్టానికి 397 పరుగులు చేసింది. ప్రపంచకప్ చరిత్రలోనే ఇంగ్లాండ్‌కు ఇదే అత్యధిక స్కోరు కావడం విశేషం. ఈ మ్యాచ్‌లో ఇంగ్లాండ్ బ్యాట్స్‌మన్ మొత్తం 25 సిక్సుర్లు బాదారు. దీంతో పసికూన ఆప్ఘనిస్థాన్ జట్టుకు 398 పరుగుల విజయ లక్ష్యాన్ని నిర్దేశించింది. ఆప్ఘనిస్థాన్ బౌలర్లలో గుల్బదిన్ నైబ్, జాద్రన్ చెరో మూడు వికెట్లు తీసుకున్నారు.

For Quick Alerts
ALLOW NOTIFICATIONS
For Daily Alerts
Story first published: Tuesday, June 18, 2019, 19:40 [IST]
Other articles published on Jun 18, 2019
POLLS

Get breaking news alerts from myKhel

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more