'అశ్విన్ ఆ మైలురాయిని అందుకుంటాడు, నా రికార్డు కూడా బద్దలు కొడతాడు'

భారత్ తరఫున టెస్టుల్లో అత్యధిక వికెట్లు

భారత్ తరఫున టెస్టుల్లో అత్యధిక వికెట్లు తీసిన మూడో బౌలర్‌గా ప్రస్తుతం హర్భజన్‌ సింగ్(417) కొనసాగుతున్నాడు. ఈ జాబితాలో అనిల్‌కుంబ్లే(619), కపిల్‌దేవ్‌(434) ముందు ఉన్నారు. అశ్విన్‌ కచ్చితంగా తన రికార్డు బద్దలు కొడతాడని, పూర్తి ఫిట్‌నెస్‌తో దీర్ఘకాలం కొనసాగితే 600 వికెట్ల మైలురాయిని అందుకుంటాడని తెలిపాడు.

350 వికెట్లు పడగొట్టిన అశ్విన్

కాగా, భారత్ తరుపున టెస్టుల్లో ఇప్పటివరకు 350 వికెట్లు పడగొట్టిన అశ్విన్ స్వదేశంలో ఆడిన 39 మ్యాచ్‌ల్లోనే 242 వికెట్లు పడగొట్టడం విశేషం. మిగతా 108 వికెట్లు విదేశీ పిచ్‌లపై సాధించాడు. అయితే, ఇతరుల కన్నా ఎక్కువ వికెట్లు అశ్విన్ ఎలా తీయగలుగుతున్నాడన్న ప్రశ్నకు భజ్జీ తనదైన శైలిలో స్పందించాడు.

అశ్విన్‌ బౌలింగ్‌లో వైవిధ్యం

అశ్విన్‌ బౌలింగ్‌లో వైవిధ్యం ఉంటుందని, పిచ్‌ మారేటప్పుడు ఎలా బౌలింగ్‌ చేయాలో అతడికి బాగా తెలుసని ఈ సందర్భంగా భజ్జీ చెప్పుకొచ్చాడు. పిచ్‌ల స్వభావంపై అవగాహన ఉండాలని, ఎప్పుడు ఎక్కడ ఎలా వేయాలో బౌలర్లకు తెలుసుండాలని భజ్జీ అన్నాడు. ఇతరులకు, అశ్విన్‌కు అదే తేడా అని భజ్జీ వివరించాడు.