షోయబ్ ను విచారిస్తున్న పోలీసులు

హైదరాబాద్: హైదరాబాద్ కు చెందిన అయేషా సిద్దిఖి ఫిర్యాదు నేపథ్యంలో హైదరాబాదులోని బంజారాహిల్స్ పోలీసులు పాకిస్తాన్ క్రికెటర్ షోయబ్ మాలిక్ ను విచారిస్తున్నారు. ఎసిపి రవీందర్ రెడ్డి నేతృత్వంలోని పోలీసుల బృందం సోమవారం ఉదయం టెన్నిస్ క్రీడాకారిణి సానియా మీర్జా ఇంటికి చేరుకున్నారు. వారు షోయబ్ ను విచారిస్తున్నారు. అయేషా సిద్దిఖి సమర్పించిన ఆధారాల మేరకు పోలీసులు షోయబ్ మాలిక్ పై చర్యలు తీసుకునే అవకాశం ఉంది.

షోయబ్ ను పోలీసులు 20 రోజుల వరకు విచారించే అవకాశం ఉంది. హైదరాబాద్ విడిచి వెళ్లకూడదని పోలీసులు షోయబ్ మాలిక్ ను ఆదేశించారు. ఈ మేరకు వారు ఇమిగ్రేషన్ కార్యాలయానికి ఒక లేఖ రాశారు. షోయబ్ ను పోలీసులు అరెస్టు చేసే అవకాశాలు కూడా ఉన్నట్లు ప్రచారం జరుగుతోంది. అయేషా, మాలిక్ ల ఫోన్ సంభాషణలను పోలీసులు ఎఫ్ఎస్ఎల్ ద్వారా విశ్లేషిస్తున్నారు.