భార్యతో చెట్టాపట్టాల్ వేసుకుని సచిన్ (పిక్చర్స్)

ముస్సోరీ: టెస్టు క్రికెట్ నుంచి తప్పుకున్నమాస్టర్ బ్లాస్టర్ సచిన్ టెండూల్కర్ తన కుటుంబ సభ్యులతో కలిసి ముస్సోరీ విహారయాత్ర చేస్తున్నాడు. పాకిస్తాన్‌తో జరిగిన మ్యాచుతో 1989తో టెస్టు క్రికెట్‌లో అడుగు పెట్టిన సచిన్ 24 ఏళ్ల పాటు అంతర్జాతీయ క్రికెట్‌లో అలుపెరుగకుండా యాత్ర సాగించాడు.

వెస్టిండీస్‌తో ముంబైలోని వాంఖడే స్టేడియంలో జరిగిన మ్యాచుతో అతను అంతర్జాతీయ క్రికెట్ నుంచి ఈ నెల 16వ తేదీన తప్పుకున్నాడు. క్రికెట్‌కోసం సిద్ధం కావాలనే ఒత్తిడి లేకుండా సచిన్ టెండూల్కర్ ఇప్పుడు ముస్సోరీలో గడుపుతున్నాడు. టెండూల్కర్ ఈ నెల 20వ తేదీన భార్య అంజలి, మిత్రులతో కనిపించాడు.

ఇటీవలి కాలంలో సచిన్ టెండూల్కర్ ముస్సోరీకి రావడం ఇది రెండో సారి. నిరుడు డిసెంబర్‌లో వన్డే అంతర్జాతీయ క్రికెట్ నుంచి తప్పుకున్న తర్వాత కూడా ఆయన ముస్సోరీకి వచ్చాడు. జనవరిలో ముస్సోరీలో కొద్ది రోజులు గడిపాడు.

భార్య, మిత్రులతో సచిన్

ముస్సోరీలో సచిన్ టెండూల్కర్ తన భార్య అంజలి, మిత్రులతో కలిసి ఇలా దర్శనమిచ్చాడు. ఇప్పుడు అతనిపై క్రికెట్‌కు సంబంధించిన ఒత్తిడి లేదు.

సచిన్‌కు భద్రత..

అంతర్జాతీయ క్రికెట్ దిగ్గజం మాత్రమే కాకుండా పార్లమెంటు సభ్యుడు కూడా అయిన సచిన్ టెండూల్కర్‌కు భద్రతగా పోలీసులు ఇలా కాపు కాస్తూ ఉన్నారు.

హోటల్లో సచిన్ టెండూల్కర్

ముస్సోరీలోని ఓ హోటల్లో సచిన్ టెండూల్కర్ ఇలా కనిపించాడు. ముస్సోరీలో తన మిత్రుడికి చెందిన హోటల్లో అతను విడిది చేశాడు.

పెంపుడు కుక్కలతో సచిన్..

ఇది జనవరిలో సచిన్ టెండూల్కర్‌కు సంబంధించిన ఫొటో. టెండూల్కర్ తన పెంపుడు కుక్కలతో అప్పట్లో ముస్సోరీలో ఇలా కనిపించాడు.

ముంబై ఇండియన్స్ క్యాప్

ఇది కూడా ఫైల్ ఫోటో. టెండూల్కర్ జనవరిలో ముంబై ఇండియన్స్ క్యాప్‌తో ముస్సోరీలో ఇలా కనిపించాడు. భార్య అంజలి పక్కనే ఉన్నారు.