మెదడులో అంతా చెత్తే: భారత్‌పై రెచ్చగొట్టే కుట్రలు మొదలుపెట్టిన పీసీబీ చీఫ్!

పాకిస్తాన్ క్రికెట్ బోర్డు(పీసీబీ) చీఫ్ మొహ్సిన్ నఖ్వీ దేశానికి తిరిగి వచ్చిన తర్వాత కూడా భారత్‌పై తన అక్కసును వెళ్లగక్కాడు. ఆసియా క్రికెట్ కౌన్సిల్(ఏసీసీ) అధ్యక్షుడిగా ఉన్న మొహ్సిన్ నఖ్వీ.. తన పరాభవాన్ని భరించలేక పాకిస్తాన్ సోషల్ మీడియా ఇన్‌ఫ్లుయెన్సర్లను పోగు చేసి, భారత్ కు వ్యతిరేకంగా సోషల్ మీడియా ద్వారా 'యుద్ధం' మొదలుపెట్టాలని చూస్తున్నాడు. ఈ కుట్రపై భారత్ నిశితంగా దృష్టి సారించింది.

నఖ్వీ కొత్త ఎత్తుగడలు
గత రెండు వారాలుగా సోషల్ మీడియా ప్లాట్‌ఫామ్ 'ఎక్స్' వేదికగా పెద్ద సంఖ్యలో పాకిస్థాన్ ఇన్‌ఫ్లుయెన్సర్‌లు భారత్‌కు వ్యతిరేకంగా రెచ్చగొట్టే వ్యాఖ్యలు చేయడానికి ప్రయత్నిస్తున్నారు. మొహ్సిన్ నఖ్వీ పాకిస్థాన్ చేరుకున్న తర్వాతే ఈ కార్యకలాపాలు వేగవంతం కావడం గమనార్హం. మొహ్సిన్ నఖ్వీకి ఒక విషయం స్పష్టంగా తెలుసు. వార్తల్లో నిలవాలంటే చర్చకు అంశంగా భారత్ తప్పనిసరి. పాకిస్తాన్ క్రికెట్ జట్ల సమస్యలు అతనికి చిన్నవిగా కనిపిస్తున్నాయి. మొహ్సిన్ నఖ్వీ సూచనల మేరకు పాక్ ఇన్‌ఫ్లుయెన్సర్‌లు చేస్తున్న ప్రచారాన్ని భారత్ పట్టించుకోకుండా, విస్మరించడం ఉత్తమం.

కొత్త వెస్టిండీస్‌గా మారుతున్న పాక్ క్రికెట్
పాకిస్థాన్ క్రికెట్ (పురుషులు, మహిళలు ఇద్దరూ) దారుణంగా పడిపోయింది. త్వరలో పాకిస్థాన్ క్రికెట్ కొత్త వెస్టిండీస్‌గా మారే ప్రమాదం ఉంది. ఈ పరిస్థితే వారికి అంతర్జాతీయ క్రికెట్‌లో నిలదొక్కుకోవడానికి ఉన్న ఆరాటాన్ని, ఆందోళనను పెంచుతోంది. ఒకప్పుడు భారత్-పాక్ మధ్య ఉన్నంత పోటీ ఇప్పుడు లేదు. పాకిస్థాన్ ఆటగాళ్లను విదేశీ లీగ్‌లలో ఆడకుండా నిషేధించడం వల్ల వారి పతనం మరింత వేగంగా జరుగుతుంది. అందుకే పాక్ ఆటగాడు సల్మాన్ అలీ ఆఘా కూడా "ఇది భారత్ కాలం" అని అంగీకరించాల్సి వచ్చింది.

మొహ్సిన్ నఖ్వీ కారణంగా పీసీబీ పతనం
ఒకప్పుడు వసీం అక్రమ్, వకార్ యూనిస్, షోయబ్ అక్తర్, సయీద్ అన్వర్ వంటి మేటి ఆటగాళ్ల నైపుణ్యాన్ని మనం చూశాం. కానీ ప్రస్తుత జట్టులో ఏ ఒక్క ఆటగాడూ వారికి దగ్గరలో కూడా లేరు. ఆసియా కప్ ఫైనల్లో భారత్ అత్యంత పేలవమైన క్రికెట్ ఆడినప్పటికీ చివరకు విజేతగా నిలిచింది. పాకిస్తాన్ 113/1 నుంచి 146 పరుగులకే ఆలౌట అయింది . కానీ భారత్ 20/3 అయినప్పటికీ.. ఆ తర్వాత ఈజీగా గెలిచింది. మొహ్సిన్ నఖ్వీని ఆదర్శంగా తీసుకోవడం మానేసి.. ఆయన నాయకత్వంలో పాక్ క్రికెట్ ఎటు పోతోందో ఆలోచించుకోవడం పాక్ ఇన్‌ఫ్లుయెన్సర్‌లకు మంచిది.

మహిళా జట్టు ద్వారా చిలిపి పనులు చేయించేందుకు నఖ్వీ ప్లాన్
కొలంబోలో పాకిస్థాన్‌తో జరగబోయే మహిళల మ్యాచ్ (అక్టోబర్ 5న) భారత్‌కు సాధారణ మ్యాచ్‌గానే ఉండాలి. కానీ మొహ్సిన్ నఖ్వీ మనసులో వేరే ఆలోచన ఉంది. శ్రీలంకతో తడబడినప్పటికీ, స్పిన్నర్లు, బ్యాటింగ్ డెప్త్ కారణంగా భారత్ సులువుగా గెలిచింది.శ్రీలంక పిచ్‌లు స్పిన్నర్లకు అనుకూలంగా ఉండవచ్చు, కాబట్టి హర్మన్‌ప్రీత్ కౌర్, స్మృతి మంధాన వంటివారు ఈ మ్యాచ్‌ను మంచి పరుగులు చేయడానికి, మైదానంలో ఎక్కువ సమయం గడపడానికి ఉపయోగించుకోవాలి. పాక్‌తో మ్యాచ్‌ను భవిష్యత్తులో ఎదురయ్యే కష్టమైన మ్యాచ్‌లకు సన్నద్ధమయ్యే అవకాశంగా పరిగణించాలి.

నఖ్వీ ట్రిక్స్: పాకిస్థానీ మీడియా త్వరలో హ్యాండ్ షేక్ (కరచాలనం) ఎందుకు జరగడం లేదని రచ్చ చేయడం మళ్లీ చూడొచ్చు. కానీ ఇది తప్పనిసరి కాదు, భారత్ ఇప్పటికే తన వైఖరిని స్పష్టం చేసింది. చేతులు కలపడం కంటే, జట్టు ప్రదర్శనపై దృష్టి పెట్టడం ముఖ్యం.కొలంబోలో అన్ని మ్యాచ్‌లు ఆడటం పాకిస్థాన్‌కు ఉన్న ప్రయోజనం. ఈ ప్రయోజనాన్ని ఉపయోగించుకొని వారు మెరుగుపడతారో లేదో చూడాలి. ఒకవేళ లేకపోతే, వారి పతనం కొనసాగి, త్వరలో తీవ్ర క్షీణతలోకి వెళ్ళవచ్చు.