PBKSvsRR : మరోసారి బట్లర్ డకౌట్.. రాజస్థాన్ పని అయిపోయింది అంటున్న ఫ్యాన్స్!

పంజాబ్‌ కింగ్స్‌తో జరుగుతున్న మ్యాచ్‌లో రాజస్థాన్ రాయల్స్ స్టార్ ఓపెనర్ జోస్ బట్లర్ మరోసారి నిరాశ పరిచాడు. ఈ మ్యాచ్‌లో అతను మరోసారి డకౌట్ అయ్యాడు. ఇది అతనికి వరుసగా మూడో డకౌట్ కావడం గమనార్హం. గత రెండు మ్యాచుల్లో కూడా బట్లర్ డకౌటే అయ్యాడు. దీంతో చాలా మంది అతన్ని విమర్శిస్తున్నారు.

ఈ మ్యాచ్‌లో తొలుత బ్యాటింగ్ చేసిన పంజాబ్ చివర్లో శామ్ కర్రాన్ (49 నాటౌట్), షారుఖ్ ఖాన్ (43 నాటౌట్) చెలరేగడంతో మంచి స్కోరు చేసింది. ఈ మ్యాచ్‌లో పంజాబ్ 187 పరుగులు చేసింది. లక్ష్య ఛేదనలో పంజాబ్‌కు అదిరే ఆరంభం లభిస్తుందని అందరూ అనుకున్నారు. కానీ బట్లర్ మరోసారి డకౌట్ అవడంతో అంతా ఆశ్చర్యపోయారు. ఇది బట్లర్‌కు వరుసగా మూడో డకౌట్ కావడం గమనార్హం.

అంతేకాదు, ఈ మ్యాచ్‌లో రాజస్థాన్‌ను గెలిపించేందుకు యువ ఓపెనర్ యశస్వి జైస్వాలో మరో కీలకమైన హాఫ్ సెంచరీతో ఆకట్టుకున్నాడు. కానీ ఆ జట్టు ఎన్నో ఆశలు పెట్టుకున్న బట్లర్ విఫలం అవడంతో ఫ్యాన్స్ ఏమాత్రం సహించడం లేదు. అంతేకాదు, ఇప్పటి వరకు బట్లర్ ఇలా వరుసగా మూడు సార్లు డకౌట్ అవడం ఇంతకు ముందు ఎప్పుడూ జరగలేదు. దీన్ని కూడా వాళ్లు ఎత్తి చూపుతున్నారు.

ఐపీఎల్‌లో తను ఆడిన తొలి 85 ఇన్నింగ్సుల్లో బట్లర్ కేవలం ఒకే ఒక్కసారి డకౌట్ అయ్యాడు. అదే చివరి పది ఇన్నింగ్సులు చూసుకుంటే అతను ఐదుసార్లు పరుగులేమీ చేయకుండానే డకౌట్ అవడం అభిమానులకు ఆశ్చర్యం కలగజేస్తోంది. ఇదే విషయాన్ని ఫ్యాన్స్ ఎత్తిచూపుతున్నారు. ఈ ఏడాది ఐపీఎల్ బట్లర్‌కు ఏమాత్రం కలిసిరాలేదని అంటున్నారు.

అలాగే, రాజస్థాన్ కూడా బట్లర్ ఫెయిల్ అవడంతో ప్లేఆఫ్స్ అవకాశాలను చాలా సంక్లిష్టం చేసుకుంది. దీంతో ఆ జట్టు ప్లేఆఫ్స్ చేరడం చాలా కష్టంగా మారింది. ఇదే విషయాన్ని చాలా మంది ఫ్యాన్స్, నిపుణులు ఎత్తి చూపుతున్నారు. బట్లర్ ఫెయిలైతే రాజస్థాన్ పని అయిపోయినట్లే అని అంటున్నారు.