ఐపియల్ బిడ్స్ మా ఫ్యామిలీ పాత్ర లేదు: శరద్ పవార్

హైదరాబాద్: ఈ ఏడాది ప్రారంభంలో జరిగిన ఐపియల్ వేలంలో ఫ్రాంచైజ్ బిడ్స్ లో తన కుటుంబ సభ్యుల పాత్ర లేదని కేంద్ర వ్యవసాయ శాఖ మంత్రి శరద్ పవార్ స్పష్టం చేశారు. ఐపియల్ జట్టు బిడ్డింగ్ లో తమ కుటుంబ సభ్యులెవరు కూడా పాల్గొనలేదని ఆయన చెప్పారు. పూణే జట్టు కోసం బిడ్డింగ్ లో పాల్గొన్న కన్ స్ట్రక్షన్ కంపెనీ సిటీ కార్పొరేషన్ లో పవార్ కుటుంబ సభ్యులకు 33.6 లక్షల వాటా ఉన్నట్లు వార్తలు వచ్చిన నేపథ్యంలో పవార్ శుక్రవారం మీడియాతో మాట్లాడారు.

బిడ్డింగ్ తో సిటీ కార్పొరేషన్ కు ఏ విధమైన సంబంధం లేదని ఆయన చెప్పారు. ఎంసిఎ, ఇతర కంపెనీల సహకారంతో దేశ్ పాండే పూణే జట్టు వేలంలో పాల్గొన్నట్లు ఆయన తెలిపారు.