ఆడాలంటే మంచి రంగు, షేపులు అవసర్లేదు, బలమైన చేతులు..

శరీరాకృతి, రంగే ప్రధానమా?

‘ఎప్పుడు వివిధ రంగాల్లో మహిళలకు ఎదురయ్యే ఆటంకాల గురించే మాట్లాడుకుంటాం. ఇలాంటి వ్యవహారాలు(యాడ్‌) చాలా ఆగ్రహం తెప్పించే అంశం. ఆడపిల్లలు ఆటలు ఆడాలంటే వారికి క్రీడల పట్ల అభిమానం, ప్రతిభ, నైపుణ్యం ఉంటే సరిపోదా? శరీరాకృతి, రంగే ప్రధానమా?

నైపుణ్య, కఠోర శ్రమ, ప్రతిభ వల్ల ఉన్నతంగా:

ఆడపిల్లలకు చెప్పేది ఒకటే మీరు క్రీడల్లో రాణించాలంటే ఉండాల్సింది సున్నితమైన చేతులు కాదు.. బలమైన చేతులు. ఒకసారి చుట్టూ ఉన్న ప్రపంచాన్ని చూడండి. చాలామంది మహిళా క్రీడాకారులు వారి నైపుణ్య, కఠోర శ్రమ, ప్రతిభ వల్ల ఉన్నతంగా ఎదిగారు. అంతేతప్ప వారి శరీరాకృతి, రంగు వల్ల కాదు..

సెలబ్రిటీలను, స్పాన్సర్లను కోరుకునే..:

12 ఏళ్ల క్రీడా ప్రయాణంలో చాలా సౌందర్య ఉత్పత్తుల కంపెనీలు తమ ఉత్పత్తులను ప్రచారం చేయమని నన్ను సంప్రదించాయి. కానీ ఒప్పుకోలేదు. ఎందుకంటే క్రీడల్లో రాణించాలనుకునే వారికి సౌందర్య సాధనాలతో పనిలేదన్నది నా అభిప్రాయం. సెలబ్రిటీలను, స్పాన్సర్లను కోరుకునేది ఒక్కటే.. యువతులు వారి కలలను పూర్తి చేసుకోవడానికి కావల్సిన నమ్మకం, ఆత్మవిశ్వాసాన్ని అందించి వారి కాళ్ల మీద వారు నిలిచేలా సహకరించండి.

ఆత్మవిశ్వాసాన్ని దెబ్బతీయక:

అంతే తప్ప రంగు, శరీరాకృతి గురించి ప్రచారం చేసి వారిని ఆత్మవిశ్వాసాన్ని దెబ్బతీయకండి' అంటూ ఓ సుదీర్ఘమైన పోస్ట్‌ ఉంచారు. సనా పాకిస్తాన్‌ జాతీయ మహిళ క్రికెట్‌ జట్టుకు కెప్టెన్‌గా వ్యవహరించడమే కాక అంతర్జాతీయ మ్యాచ్‌లలో 190 వికెట్లు తీశారు.