Click it and Unblock the Notifications
|
టాస్ గెలిచి బ్యాటింగ్ ఎంచుకున్న పాకిస్థాన్
ఈ మ్యాచ్‌లో టాస్ గెలిచి బ్యాటింగ్ ఎంచుకున్న పాకిస్థాన్‌కు ఆరంభంలోనే ఎదురుదెబ్బ తగిలింది. సైఫుద్దీన్ వేసిన 8వ ఓవర్లో ఓపెనర్ ఫకార్ జమాన్(13) పరుగుల వద్ద తొలి వికెట్‌గా పెవిలియన్‌కు చేరాడు. ఆ తర్వాత క్రీజులోకి వచ్చిన బాబర్ ఆజాంతో కలిసి ఓపెనర్ ఇమామ్ ఉల్ హాక్ జట్టుకు బలమైన పునాది వేశారు. బంగ్లా బౌలర్లను సమర్ధవంతంగా ఎదుర్కొని 150కి పరుగుల భాగస్వామ్యాన్ని నెలకొల్పారు.
|
తృటిలో సెంచరీ మిస్ చేసుకున్న బాబర్ ఆజాం
అయితే, జట్టు స్కోరు 180 పరుగుల వద్ద బాబర్ ఆజాం 96 పరుగుల వ్యక్తిగత స్కోరు వద్ద సైపుద్దీన్ బౌలింగ్‌లో ఎల్బీగా వెనుదిరిగాడు. దీంతో తృటిలో సెంచరీని మిస్సయ్యాడు. అయితే, ఈ ప్రపంచకప్‌లో బాబర్ అజాం ఓ అరుదైన రికార్డుని తన ఖాతాలో వేసుకున్నాడు. ఒక ప్రపంచకప్‌లో పాకిస్థాన్ తరుపున అత్యధిక పరుగులు చేసిన ఆటగాడిగా చరిత్ర సృష్టించాడు. ఈ క్రమంలో పాక్ మాజీ క్రికెట్ దిగ్గజం జావేద్ మియాందాద్ 437 పరుగుల రికార్డుని అధిగమించాడు. 1992 ప్రపంచకప్‌లో జావేద్ మియాందాద్ ఈ పరుగులు సాధించాడు. మొత్తం 8 మ్యాచ్‌లు ఆడిన బాబర్ ఆజాం 474 పరుగులు చేశాడు. ఇందులో ఒక సెంచరీ, మూడు హాఫ్ సెంచరీలు ఉన్నాయి.
|
ఇమామ్ ఉల్ హాక్ సెంచరీ
అయితే, మిడిలార్డర్ విఫలం కావడంతో ఆఖర్లో మెరుపులు మెరిపించి భారీ స్కోరు సాధించే గొప్పగా అవకాశాన్ని చేజార్చుకుంది. బాబర్ అజాం ఔటైన తర్వాత సెంచరీ అనంతరం ఇమామ్ ఉల్ హాక్ సెంచరీ సాధించాడు. 99 బంతుల్లో 7ఫోర్ల సాయంతో 100 మార్క్ అందుకున్నాడు. వరల్డ్‌కప్‌లో ఇమామ్‌కు ఇదే తొలి సెంచరీ కావడం విశేషం. పాక్ తరఫున అతి తక్కువ వయసులో ఈ ఘనత సాధించిన ఆటగాడిగా నిలిచాడు. ముస్తాఫిజుర్ వేసిన 42వ ఓవర్లో సెంచరీ పూర్తి చేసుకున్న ఇమామ్.. ఆ తర్వాత దూకుడుగా ఆడే క్రమంలో హిట్‌వికెట్‌గా వెనుదిరిగాడు.
|
ముస్తాఫిజుర్ అరుదైన ఘనత
అనంతరం దూకుడుగా ఆడుతున్న మహ్మద్ హఫీజ్(27) మెహదీ హాసన్ బౌలింగ్‌లో షకీబ్ ఉల్ హాసన్‌కు క్యాచ్ ఇచ్చి వెనుదిరిగాడు. ఆ తర్వాత ముస్తాఫిజుర్ వేసిన 44వ ఓవర్ ఐదో బంతికి హారీస్.. సౌమ్య సర్కార్‌కు క్యాచ్ ఇచ్చి వెనుదిరగడంతో పాక్ ఇన్నింగ్స్ నెమ్మదించింది. సొహైల్ వికెట్‌తో ముస్తాఫిజుర్ వన్డేల్లో 100 వికెట్ల మైలురాయి అందుకున్నాడు.
|
ఐదు వికెట్లు తీసిన ముస్తాఫిజుర్
ఇన్నింగ్స్ ఆఖరి ఓవర్లో బంగ్లా బౌలర్ ముస్తాఫిజుర్ రెహ్మాన్ వరుసగా రెండు వికెట్లు తీశాడు. ఇక, బ్యాటింగ్ చేయడానికి వచ్చిన పాక్ కెప్టెన్ సర్ఫరాజ్ అహ్మద్ గాయం కారణంగా రిటైర్డ్‌ హర్ట్‌గా మైదానాన్ని వీడాడు. చివరల్లో ఇమాద్ వసీం 26 బంతుల్లో 6 ఫోర్లు, ఒక సిక్స్‌తో 43 పరుగులతో మెరుపులు మెరిపించడంతో పాకిస్థాన్ నిర్ణీత 50 ఓవర్లలో 9 వికెట్లు కోల్పోయి 315 పరుగులు చేసింది. బంగ్లాదేశ్ బౌలర్లలో ముస్తాఫిజుర్ రెహ్మన్ 5 వికెట్లు తీయగా... మొహమ్మద్ సైఫుద్దీన్ 3, మెహదీ హాసన్ ఒక వికెట్ పడగొట్టాడు.
