PAK vs OMN: ఒమన్ బౌలర్ల ధాటికి పాక్ తడబాటు!

PAK vs OMN: ఆసియా కప్ 2025 టోర్నమెంట్‌లో భాగంగా ఒమన్‌తో జరుగుతున్న మ్యాచ్‌లో టాస్ గెలిచి బ్యాటింగ్ చేసిన పాకిస్థాన్ నిర్ణీత 20 ఓవర్లలో 7 వికెట్లు కోల్పోయి 160 పరుగులు మాత్రమే చేయగలిగింది. దుబాయ్ అంతర్జాతీయ క్రికెట్ స్టేడియం వేదికగా జరుగుతున్న ఈ మ్యాచ్‌లో పాకిస్థాన్ బ్యాటర్లు అంతగా రాణించలేకపోయారు. మహ్మద్ నవాజ్(19) మెరుపు బ్యాటింగ్‌తో మంచి స్కోరు సాధించింది. ఒక దశలో ఒమన్ బౌలర్లు కట్టుదిట్టమైన బౌలింగ్‌తో పాకిస్తాన్‌ను కట్టడి చేశారు. కానీ చివర్లో నవాజ్ కొన్ని కీలకమైన షాట్లు కొట్టి స్కోరు బోర్డును ముందుకు నడిపాడు.

మొదట్లో పాకిస్తాన్ ఓపెనర్లు కష్టపడ్డారు. సయ్యద్ ఆయుబ్(0) రివ్యూ కోల్పోయి ఎల్బీడబ్ల్యూగా వెనుదిరిగాడు. ఆ తర్వాత ఫర్హాన్(29), మహమ్మద్ హారిస్(60) పవర్‌ప్లేలో నిదానంగా ఆడారు. అయితే, ఆరో ఓవర్‌లో 16 పరుగులు రావడంతో జట్టుకు కాస్త ఊరట లభించింది. ఫర్హాన్‌కు 3 పరుగుల వద్ద ఒక లైఫ్ దక్కింది. ఆ తర్వాత హారిస్ గేర్ మార్చి తన అర్ధ శతకాన్ని పూర్తి చేసుకున్నాడు.

అయితే, 13 పరుగుల వ్యవధిలో మూడు కీలక వికెట్లు కోల్పోయి పాకిస్థాన్ మళ్లీ తడబడింది. ఈ క్లిష్ట సమయంలో మహ్మద్ నవాజ్, ఫఖర్ జమాన్(23) జట్టును ఆదుకున్నారు. ముఖ్యంగా మిగతా బ్యాటర్లు పరుగులు చేయడానికి ఇబ్బంది పడుతున్న సమయంలో కొన్ని మహ్మద్ నవాజ్ కీలక బౌండరీలు కొట్టి స్కోరును పెంచాడు. ఈ నెమ్మదిగా ఉన్న పిచ్‌పై నవాజ్, ఫఖర్‌లు జట్టుకు మంచి స్కోరు అందించారు.

ఒమన్ బౌలర్లలో షా ఫైసల్, ఆమిర్ కలీమ్ చెరో మూడు వికెట్లు తీశారు. అయితే, షకీల్ అహ్మద్ అద్భుతంగా బౌలింగ్ చేసి, తన 4 ఓవర్ల స్పెల్‌లో కేవలం 17 పరుగులు మాత్రమే ఇచ్చి, ఒక్క బౌండరీ కూడా ఇవ్వకపోవడం విశేషం.