నేటికి 41 ఏళ్లు: కపిల్ దేవ్‌కు ఈరోజు ఎంతో ప్రత్యేకమంటూ ఐసీసీ ట్వీట్!

OnThisDay in 1978, one of the greatest all-rounders of all time Kapil Dev made his Test debut

హైదరాబాద్: భారత్‌కు తొలి వరల్డ్‌కప్ అందించిన క్రికెట్ దిగ్గజం కపిల్ దేవ్‌కు అక్టోబర్ 16(బుధవారం) ఈరోజు ఎంతో ప్రత్యేకమైన రోజు. కపిల్ దేవ్ టెస్టు క్రికెట్‌లోకి అరంగేట్రం చేసి నేటికి సరిగ్గా 41 ఏళ్లు పూర్తయ్యాయి. ఈ మేరకు ఐసీసీ తన అధికారిక ట్విట్టర్‌లో పోస్టు చేసింది.

1978 అక్టోబర్‌ 16న పాకిస్థాన్‌పై ఫైసలాబాద్‌లో తొలి అంతర్జాతీయ టెస్టు ఆడిన కపిల్‌.. ఆ పర్యటనలో బౌలింగ్‌తో ఆకట్టుకోలేకపోయాడు. తన తొలి టెస్టులో కపిల్ బౌలింగ్ స్పెల్స్ 16-2-71-0 & 12-3-25-1 ఇలా ఉన్నాయి. ఆ తర్వాత కపిల్ దేవ్ ఆడిన మూడో టెస్టులోనే భారత్‌ తరఫున టెస్టుల్లో అత్యంత వేగంగా హాఫ్ సెంచరీ సాధించాడు.

ఆ తర్వాత ప్రపంచ క్రికెట్‌లో తనకంటూ ఓ గుర్తింపు తెచ్చుకున్నాడు. 1983లో ఇంగ్లాండ్‌లోని లార్డ్స్ వేదికగా జరిగిన వన్డే వరల్డ్‌కప్‌లో భారత జట్టుని తొలిసారి విశ్వవిజేతగా నిలిపాడు. భారత్ తరుపున మొత్తం 131 టెస్టులాడిన కపిల్‌ దేవ్ 5,248 పరుగులు చేసి, 434 వికెట్లు తీశాడు. 1994లో న్యూజిలాండ్‌పై ఆఖరి టెస్టు ఆడిన తర్వాత అంతర్జాతీయ క్రికెట్‌కు వీడ్కోలు పలికాడు.

భారత క్రికెట్ చూసిన అత్యుత్తమ ఆల్ రౌండర్ కపిల్ దేవ్. ఆ తర్వాత కపిల్ స్థానాన్ని భర్తీ చేసే ఆటగాడు ఇంతవరకూ రాలేదు. ప్రపంచ క్రికెట్‌లోకి అరంగేట్రం చేసి కపిల్ దేవ్ 41 ఏళ్లు పూర్తైన సందర్భంగా ఐసీసీ కపిల్‌కు సంబంధించి "మీ మధురజ్ఞాపకం ఏమిటీ?" అని ఐసీసీ ట్విటర్‌లో అభిమానులను కోరింది.

ఐసీసీ ట్వీట్‌కు ఓ అభిమాని "1983 వరల్డ్‌కప్" అని చెప్పగా... మరొక నెటిజన్ ఆ వరల్డ్‌కప్‌లో "జింబాబ్వేపై కపిల్ సాధించిన 175 పరుగులు" అంటూ ట్వీట్ చేశాడు.

For Quick Alerts
ALLOW NOTIFICATIONS
For Daily Alerts
Story first published: Wednesday, October 16, 2019, 13:03 [IST]
Other articles published on Oct 16, 2019
POLLS
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more