చరిత్ర సృష్టించిన నొవాక్ జకోవిచ్

Novak Djokovic: సెర్బియా దిగ్గజం నొవాద్ జకోవిచ్ తనదైన స్టైల్లో టెన్నిస్ చరిత్రలో ఓ అద్భుతమైన రికార్డును నెలకొల్పాడు. ఏథెన్స్‌లో జరిగిన హెల్లెనిక్ ఛాంపియన్‌షిప్‌ ఫైనల్‌లో లొరెంజో ముసెట్టిని ఓడించి తన కెరీర్‌లో 101వ ఏటీపీ టైటిల్‌ను సాధించడం ద్వారా ఈ అద్భుత ఘనతను అందుకున్నాడు. ఈ టైటిల్ గెలుపు జకోవిచ్‌కు కేవలం ఒక ట్రోఫీ మాత్రమే కాదు.. టెన్నిస్ ప్రపంచంలో ఓ మైలురాయిగా నిలిచింది. ఇది జకోవిచ్ కెరీర్‌లో 72వ హార్డ్ కోర్ట్ టైటిల్ అంతకుముందు స్విట్జర్లాండ్‌కు చెందిన లెజెండ్ రోజర్ ఫెదరర్ పేరిట అత్యధికంగా 71 హార్డ్ కోర్ట్ టైటిల్స్ రికార్డు ఉండేది. ఈ విజయం ద్వారా జొకోవిచ్ ఆ రికార్డును బద్దలు కొట్టి ప్రపంచంలోనే మొట్టమొదటి ఆటగాడిగా 72 హార్డ్ కోర్ట్ టైటిల్స్ సాధించిన ఘనతను తన ఖాతాలో వేసుకున్నాడు.

అత్యధిక హార్డ్ కోర్ట్ టైటిల్స్
*నొవాక్ జకోవిచ్-72
*రోజర్ ఫెదరర్-71
*ఆండ్రీ అగస్సీ-46

హెల్లెనిక్ ఛాంపియన్‌షిప్ ఫైనల్
లొరెంజో ముసెట్టితో జరిగిన ఫైనల్ మ్యాచ్ జకోవిచ్‌కు అంత సులభంగా దక్కలేదు. మూడు సెట్ల పాటు హోరాహోరీగా సాగిన ఈ పోరులో జకోవిచ్ తన అనుభవాన్ని, పట్టుదలను ప్రదర్శించాడు. తొలి సెట్‌ను 4-6 తేడాతో కోల్పోయిన జకోవిచ్, రెండో సెట్‌లో 6-3తో పుంజుకున్నాడు. నిర్ణయాత్మకమైన చివరి సెట్‌లో ఇద్దరి మధ్య హోరాహోరీ నడిచింది. ఈ సెట్‌లో రెండుసార్లు తన సర్వీస్‌ను కోల్పోయినప్పటికీ జకోవిచ్ చివరికి తన పట్టుదలతో 7-5 తేడాతో సెట్‌ను, మ్యాచ్‌ను కైవసం చేసుకున్నాడు.

రికార్డుల రారాజు
38 ఏళ్ల 5 నెలల వయసులో ATP టైటిల్ గెలిచిన అత్యంత పెద్ద వయస్కుడైన ఆటగాడిగా కూడా జకోవిచ్ నిలిచాడు. 1977లో కెన్ రోస్‌వాల్ తర్వాత ఈ ఘనత సాధించిన తొలి వ్యక్తి జొకోవిచ్.

*అత్యధిక గ్రాండ్‌స్లామ్ టైటిల్స్- 24
*గ్రాండ్‌స్లామ్ ఫైనల్స్‌లో అత్యధిక ప్రదర్శనలు-37
*గ్రాండ్‌స్లామ్ సెమీ-ఫైనల్స్‌లో అత్యధిక ప్రదర్శనలు-53
*గ్రాండ్‌స్లామ్ క్వార్టర్-ఫైనల్స్‌లో అత్యధిక ప్రదర్శనలు- 64
*ఆస్ట్రేలియన్ ఓపెన్‌లో రికార్డు టైటిల్స్- 10 (ఇవి హార్డ్ కోర్ట్ టైటిల్స్‌లో భాగం)
*మొత్తం ATP కెరీర్ టైటిల్స్: 101 (ఇది పురుషుల టెన్నిస్ చరిత్రలో 11వ అత్యధిక సంఖ్య).