ఆ గొడవే కారణమా?: గ్రేట్ కెప్టెన్ల జాబితాలో దాదా లేడు

ధోనికి దాదా అనే పదాన్ని తగిలించాడు

కపిల్ దేవ్, అజిత్ వాడేకర్, టైగర్ పటౌడీ, మహేంద్ర సింగ్ ధోనిలే భారత అత్యుత్తమ కెప్టెన్ల అంటూ రవిశాస్త్రి పేర్కొన్నాడు. అంతేకాదు పరిమిత ఓవర్ల కెప్టెన్సీ నుంచి తప్పుకున్న మహేంద్ర సింగ్ ధోనికి దాదా అనే పదాన్ని తగిలించాడు. 'దాదా కెప్టెన్' ధోని అంటూ కితాబిచ్చాడు. 'ఎంఎస్ ధోని సాధించలేనిది ఏదీ లేదు. దాంతో పాటు అతను నిరూపించుకోవాల్సి కూడా ఏమీ లేదు. కోహ్లికి పగ్గాలు అప్పజెప్పడానికి ధోని చేసిన త్యాగం చేశాడు. దాదా కెప్టెన్‌కు సలాం' అని అన్నాడు.

టీమిండియా క్రికెట్ కోచ్ పదవి విషయంలో గొడవ

భారత క్రికెట్‌ కోచ్‌ పదవికి తనను కాదని కుంబ్లేను ఎంపిక చేసిన విషయంలో రవిశాస్త్రి తనదైన శైలిలో విమర్శలు గుప్పించాడు. ఈ అసంతృప్తితోనే రవిశాస్త్రి అతడి పేరును ఉద్దేశపూర్వకంగానే విస్మరించాడని మీడియాలో వార్తలు వస్తున్నాయి.

ధోని నెంబర్ ఎందుకంటే

మరోవైపు తన జాబితాపై రవిశాస్త్రి ప్రపంచవ్యాప్తంగా అత్యుత్తమ గణాంకాలాను నమోదు చేసిన భారత కెప్టెన్లకే తన జాబితాలో స్థానం కేటాయించినట్లు పేర్కొన్నాడు. తన కెరీర్‌లో 49 టెస్టులకు సారథ్య వహించిన సౌరభ్ గంగూలీ 42.6 విజయశాతాన్ని నమోదు చేశాడు.

గంగూలీపై పైచేయి సాధించేందుకు యత్నం

ఇక 147 వన్డేలకు కెప్టెన్‌గా ఉన్న గంగూలీ 76 మ్యాచ్‌ల్లో భారత్‌కు విజయానందించాడు. అయితే రవిశాస్త్రి మాత్రం వీలుచిక్కినప్పుడల్లా గంగూలీపై పైచేయి సాధించేందుకు ప్రయత్నిస్తూనే ఉన్నాడు.