న్యూజిలాండ్‌, దక్షిణాఫ్రికా మ్యాచ్.. ఔట్‌ఫీల్డ్‌ తడిగా ఉండటంతో టాస్‌ ఆలస్యం

బర్మింగ్‌హామ్‌ వేదికగా ఇప్పటికే న్యూజిలాండ్‌, దక్షిణాఫ్రికా జట్ల మధ్య మ్యాచ్ మొదలవ్వాలి. కానీ ఇప్పటి వరకు టాస్‌ కూడా పడలేదు. టాస్‌ వేసే సమయానికి ఔట్‌ ఫీల్డ్‌ తడిగా ఉండటంతో.. టాస్‌కు అంతరాయం ఏర్పడింది. అయితే మ్యాచ్ నిర్వ‌హించేందుకు పిచ్ అనుకూలంగానే ఉంది. ఔట్‌ఫీల్డ్‌ తడిగా ఉండడంతో ఫీల్డు అంపైర్లు టాస్‌ను వాయిదా వేశారు. అంపైర్లు మైదానాన్ని పరిశీలించి టాస్‌కు మరికొంత సమయం పడుతుందని తెలిపారు.

ఐసీసీ క్రికెట్ వరల్డ్‌కప్-2019 ప్రత్యేక వార్తల కోసం

వరుస విజయాలతో దూసుకెళ్తున్న న్యూజిలాండ్‌ మరో విజయంపై కన్నేయగా.. మూడు ఓటముల తర్వాత ఆప్ఘనిస్థాన్‌పై గెలిచిన దక్షిణాఫ్రికా కూడా మరో విజయంను సాధించాలనే పట్టుదలతో ఉంది. ఈ మ్యాచ్‌ ఓడితే దక్షిణాఫ్రికా సెమీస్‌ ఆశలు పూర్తిగా గల్లంతవడం ఖాయం. సెమీస్ రేసులో నిలువాలంటే తప్పక గెలవాల్సిన మ్యాచ్‌లో సఫారీ ఆట‌గాళ్లు ఎలా ఆడుతార‌న్న‌ది ఆస‌క్తిక‌రం.

దక్షిణాఫ్రికా, న్యూజిలాండ్‌ జట్లు ఇప్పటివరకు 70 వన్డేలు ఆడాయి. 41 మ్యాచ్‌ల్లో సఫారీలు గెలిస్తే.. 24 మ్యాచ్‌ల్లో కివీస్‌ నెగ్గింది. ఐదింట్లో ఫలితం తేలలేదు. ఇక ప్రపంచకప్‌లో కివీస్‌, దక్షిణాఫ్రికాలు 7 సార్లు తలపడ్డాయి. కివీస్‌ ఐదు మ్యాచ్‌ల్లో గెలవగా.. సఫారీలు రెండింట్లో విజయం సాధించారు.

Teams (Probably XI):
New Zealand: Kane Williamson (capt), Trent Boult, Colin de Grandhomme, Lockie Ferguson, Martin Guptill, Tom Latham (wk), Jimmy Neesham, Henry Nicholls, Mitchell Santner, Tim Southee and Ross Taylor

South Africa: Faf du Plessis (c), Quinton de Kock (wk), Aiden Markram, Hashim Amla, Rassie van der Dussen, David Miller, Chris Morris, Andile Phehlukwayo, Kagiso Rabada, Lungi Ngidi and Imran Tahir