4రనౌట్లు, 3క్యాచ్‌లు మిస్: కుప్పకూలిన డివిల్లియర్స్, సౌతాఫ్రికా కంటతడి

అక్లాండ్: ప్రపంచ కప్ సెమీ ఫైనల్లో న్యూజిలాండ్ చేతిలో ఓడిపోయిన దక్షిణాఫ్రికా జట్టును కంటతడి పెట్టించింది. ఆఖరు బంతి వరకు ఉత్కంఠగా సాగిన ఈ మ్యాచ్‌లో న్యూజిలాండ్ పోరాడి గెలిచింది.

ఫీల్డింగ్ పొరపాట్లతో, చేతికి వచ్చిన క్యాచ్‌లను జారవిడిచి దక్షిణాఫ్రికా చేజేతులా ఓడిపోయింది. సౌతాఫ్రికా నాలుగు రనౌట్లు, మూడు క్యాచ్‌లు మిస్ చేసింది. ఫీల్డింగ్ పొరపాటుకు మూల్యం చెల్లించుకుంది. కాగా, న్యూజిలాండ్ వరుసగా ఎనిమిది మ్యాచ్‌లు గెలిచింది.

కాగా, ఉత్కంఠ భరితంగా సాగిన పోరులో కివీస్‌ జట్టు అద్భుతమైన విజయం సాధించిన విషయం తెలిసిందే. ప్రత్యర్థి జట్టు పకడ్బందీ బౌలింగ్‌, ఫీల్డింగ్‌తో బ్యాట్స్‌మెన్‌ను నియంత్రించాలని చూసినా.. వారి వ్యూహాలను చిత్తుచేసి తొలిసారి ప్రపంచ కప్‌ ఫైనల్‌కు చేరుకుంది.

4 వికెట్ల తేడాతో దక్షిణాఫ్రికాపై ఘన విజయం సాధించింది. సఫారీలను మరోసారి దురదృష్టం వేంటాడింది. గత ప్రపంచకప్‌ టోర్నమెంట్‌లోనూ దక్షిణాఫ్రికా జట్టు సెమిస్‌లోనే వెనుదిరిగింది.