Click it and Unblock the Notifications
మూడు కీలక వికెట్లు తీసిన చాహల్
చాహల్ పించ్-హిట్టర్ అయిన డ్వైన్ ప్రిటోరియస్ తొలుత ఔట్ చేసిన చాహల్ సౌతాఫ్రికాకు తన తొలి పంచ్ రుచిచూపించాడు. ఇక మొదటి టీ20లో దక్షిణాఫ్రికాను గెలిపించడంలో కీలక పాత్ర పోషించిన రాస్సీ వాన్ డెర్ డుస్సెన్ను అతను ఔట్ చేసి రెండో పంచ్ ఇచ్చాడు. రెండో టీ20ల్లో దక్షిణాఫ్రికా మ్యాచ్ విన్నర్ అయిన హెన్రిచ్ క్లాసెన్ను ఊరించే బంతితో క్యాచ్ ఔట్ చేసి మూడో పంచ్ ఇచ్చాడు. ఇక చాహల్ ప్రదర్శన పట్ల భారత మాజీ పేసర్, గుజరాత్ టైటాన్స్ ప్రధాన కోచ్ ఆశిష్ నెహ్రా స్పందించాడు. రెండో టీ20లో కొంచెం డిఫెన్సివ్గా బౌలింగ్ చేసిన చాహల్ మూడో టీ20లో తనదైన దూకుడును ప్రదర్శించి రాణించాడని పేర్కొన్నాడు.
మనకు తెలిసిన చాహల్ చాలా అగ్రెస్సివ్
ఆశిష్ నెహ్రా మాట్లాడుతూ.. 'మనకు తెలిసిన చాహల్ చాలా అగ్రెసివ్ బౌలింగ్ చేయగలిగే ప్లేయర్. అతని దూకుడు బౌలింగ్ను ఈ మ్యాచ్లో చూడగలిగాం. అతను తన వేగాన్ని మార్చే విధానం, అతను తన లెంత్ ఛేంజ్ చేసే పద్ధతి, తెలివిగా బురిడికొట్టించే నేర్పు అతను మనకు చూపించాడు.' అని మ్యాచ్ తర్వాత క్రిక్బజ్తో నెహ్రా పేర్కొన్నాడు. 'ఇక చివరి మ్యాచ్ క్లాసెన్ చాలా బాగా బ్యాటింగ్ చేశాడు. కానీ ఎక్కడో చాహల్ తాను చాలా డిఫెన్సివ్గా బౌలింగ్ చేస్తున్నా అనే ఫీలింగ్ అతనిలో కలిగే ఉంటుంది. ఆ డిఫెన్సివ్ నేచర్ వల్లే చాహల్ క్లాసెన్ బ్యాటింగ్ ధాటిని మరింత పెంచి ఉండొచ్చు.' అని నెహ్రా పేర్కొన్నాడు.
చాహల్ ఓవర్లు పూర్తయ్యేసరికి మ్యాచ్ మన చేతుల్లోకి
ఇక ఇండియా విధించిన 180 పరుగుల ఛేదనలో దక్షిణాఫ్రికా అవకాశాలను చాహల్ తన బౌలింగ్తో అంతమొందించాడని నెహ్రా పేర్కొన్నాడు. 'చాహల్ తన ఓవర్లలో బ్యాటర్లను పూర్తిగా ట్రాప్ చేశాడు. అతను 3, 4, 5వ స్థానాల బ్యాటర్ల వికెట్లు తీశాడు. చాహల్ ఓవర్లు పూర్తయ్యే సమయానికి దక్షిణాఫ్రికా మ్యాచ్ గెలిచే అవకాశాల నుంచి పూర్తిగా వైదొలిగింది' అని నెహ్రా తెలిపాడు.
చాహల్కు తోడు హర్షల్ చెలరేగడంతో..
ఇక టీమిండియా బ్యాటింగ్లో ఓపెనర్లు రుతురాజ్ గైక్వాడ్, ఇషాన్ కిషన్ హాఫ్ సెంచరీలతో చెలరేగడంతో తొలుత భారత్ 5వికెట్లు కోల్పోయి 179పరుగులు చేయగలిగింది. చాహల్ అద్భుత స్పెల్కు తోడు హర్షల్ పటేల్ 4వికెట్లు పడగొట్టడంతో దక్షిణాఫ్రికా 131పరుగులకే ఆలౌటైంది. ఇక ఈ సిరీస్లో 2-1తో దక్షిణాఫ్రికా ఆధిక్యంలో ఉంది. ఇక ఇరు జట్లు శుక్రవారం రాజ్కోట్లో నాలుగో టీ20లో తలపడనున్నాయి.
Continue with Google