ఐపీఎల్‌ 2019: బంగ్లా ఫేసర్‌కు చేదు అనుభవం

జూన్‌ నెలలో బీసీబీ నిర్ణయం

దీంతో ముస్తఫిజుర్‌ను టీ20 లీగ్‌లకు అనుమతి నిరాకరిస్తూ జూన్‌ నెలలో బీసీబీ నిర్ణయం తీసేసుకుంది. మరొకవైపు వన్డే వరల్డ్‌కప్‌ను దృష్టిలో పెట్టుకుని కూడా ముస్తాఫిజుర్‌ను విదేశాల్లో జరిగే టీ20ల్లో పాల్గొనకుండా బీసీబీ నియంత్రిస్తోంది. ప్రధానంగా జాతీయ జట్టు ఆడే మ్యాచ్‌లకే అధిక ప్రాధాన్యత ఇ‍వ్వాలని ఇప్పటికే పలుమార్లు చెప్పిన బోర్డు.. మరొకసారి అదే విషయాన్ని ముస్తఫిజుర్‌కు తెలియజేస్తూ ఎన్‌ఓసీ(నో అబ్జెక్షన్‌ సర్టిఫికేట్‌) ఇవ్వడానికి నిరాకరించింది.

టైటిల్‌ సాధించడంలో ముస్తఫిజుర్‌ కీలక పాత్ర

2016 ఐపీఎల్‌లో సన్‌రైజర్స్‌ హైదరాబాద్‌ టైటిల్‌ సాధించడంలో ముస్తఫిజుర్‌ కీలక పాత్ర పోషించాడు . 16 మ్యాచ్‌ల్లో 17 వికెట్లు సాధించి ప‍్రధాన పాత్ర పోషించాడు. అయితే 2017కు వచ్చేసరికి హైదరాబాద్‌ తరఫున కేవలం ఒక్క మ్యాచ్‌ మాత్రమే ఆడాడు. కాగా, 2018లో ముంబై ఇండియన్స్‌ ముస్తాఫిజుర్‌ను జట్టులోకి తీసుకుంది. ఏడు మ్యాచ్‌లు ఆడిన ముస్తాఫిజర్‌ గాయం బారిన పడి టోర్నీ నుంచి అర్ధాంతరంగా వైదొలిగాడు.

గాయం నుంచి కోలుకున్న తర్వాత కూడా

వచ్చే ఐపీఎల్‌ సీజన్‌కు సంబంధించి ముంబై ఇండియన్స్‌ ముస్తాఫిజుర్‌ను వదలుకుంది. గాయం నుంచి కోలుకున్న తర్వాత కూడా ముంబై ఇండియన్స్‌ 10 మంది ఆటగాళ్లను విడుదల చేసిన జాబితాలో ముస్తఫిజుర్ పేరును ఉంచుంది. త్వరలో ఐపీఎల్‌ వేలం జరుగనున్న నేపథ్యంలో ముస్తఫిజుర్‌‌కు తమ దేశ క్రికెట్‌ బోర్డు నుంచి అనుకున్న ఫలితం రాకపోగా చేదు అనుభవం ఎదురైంది.