ముజీబ్ ఉర్ రెహ్మాన్...: మ్యాజికల్, మిస్టీరియస్ స్పిన్నర్ గురించి

ముజీబ్‌కు అంతర్జాతీయ అనుభవం కూడా తక్కువ

అంతేకాదు అంతర్జాతీయ అనుభవం కూడా తక్కువ. అయితే పంజాబ్ జట్టు మెంటార్ అతడిపై ఉంచిన నమ్మకాన్ని నిలబెడుతూ ఈ సీజన్‌లో ముజీబ్ అద్భుత ప్రదర్శన చేస్తున్నాడు. ఇప్పటివరకు ఆడిన 9 మ్యాచ్‌ల్లో 12 వికెట్లు తీసి పర్పుల్‌ క్యాప్‌ రేసులో ఉన్నాడు. రాజస్థాన్‌తో జరిగిన మ్యాచ్‌లో బట్లర్‌కు వేసిన క్యారమ్‌ బంతి కానీ.. స్టోక్స్‌ను పెవిలియన్‌ చేర్చిన దుస్రాలే ముజీబ్‌ను మిస్టరీ స్పిన్నర్‌గా మార్చాయి.

ఐపీఎల్‌ అరంగేట్రం చేసిన పిన్నవయస్కుడు

17 ఏళ్ల వయసులో ఐపీఎల్‌ అరంగేట్రం చేసిన పిన్నవయస్కుడు ముజీబ్‌. ఐపీఎల్‌ కంటే ముందు అండర్‌-19లో సత్తా చాటాడు. అండర్‌-19 ఆసియాకప్‌ ఫైనల్లో పాకిస్థాన్‌ను ఓడించి అఫ్ఘనిస్థాన్ కప్‌ గెలవడంలో ముజీబ్‌ కీలకపాత్ర పోషించాడు. పాక్‌‌తో జరిగిన ఫైనల్లో ఐదు వికెట్లు తీసిన ముజీబ్, అంతకముందు నేపాల్‌తో జరిగిన సెమీస్‌లో ఆరు వికెట్లు తీశాడు.

5 మ్యాచ్‌ల్లో 20 వికెట్లు తీయడంతో వెలుగులోకి

ఆ టోర్నీలో 5 మ్యాచ్‌ల్లో 20 వికెట్లు తీయడంతో ఒక్కసారిగా వెలుగులోకి వచ్చాడు. ఇక, ఈ ఏడాది న్యూజిలాండ్ వేదికగా జరిగిన అండర్‌-19 వరల్డ్ కప్‌లో అద్భుత ప్రదర్శన చేశాడు. న్యూజిలాండ్‌తో క్వార్టర్‌లో జరిగిన మ్యాచ్‌లో నాలుగు వికెట్లు తీసి ఆప్ఘనిస్థాన్‌ను సెమీ పైనల్‌కు చేర్చడంలో కీలకపాత్ర పోషించాడు.

క్రిస్‌ గేల్‌ను ఔట్‌ చేసిన తీరు అద్భుతం

2019 వన్డే వరల్డ్ కప్ క్వాలిఫయర్‌ టోర్నీలోనూ ముజీబ్‌ కీలకపాత్ర పోషించాడు. వెస్టిండిస్‌తో జరిగిన మ్యాచ్‌లో క్రిస్‌ గేల్‌ను ఔట్‌ చేసిన తీరు మాజీ క్రికెటర్లను మంత్రముగ్ధుల్ని చేసింది. ఆఫ్‌ స్పిన్‌ యాక్షన్‌తో వచ్చిన ఆ లెగ్‌బ్రేకర్‌ను అంచనా వేయడంలో పూర్తిగా విఫలమైన గేల్‌ క్లీన్‌బౌల్డ్‌ అయ్యాడు.

ముజీబ్ ఖాతాలో మరో రికార్డు

ముజీబ్ ఉర్ రెహ్మాన్ ఖాతాలో మరో రికార్డు ఉంది. ఐర్లాండ్‌తో జరిగిన వన్డేతో అంతర్జాతీయ క్రికెట్‌లో అరంగేట్రం చేసిన ముజీబ్ 21వ శతాబ్దంలో పుట్టి.. వన్డే ఆడిన తొలి ఆటగాడిగా చరిత్ర సృష్టించాడు. 28 మార్చి 2001లో జన్మించిన 17 ఏళ్ల ముజీబ్ ఈ మ్యాచ్‌లో ముజీబ్ 4 వికెట్లు తీసి సంచలనం సృష్టించాడు. తద్వారా 21వ శతాబ్దంలో జన్మించి అంతర్జాతీయ క్రికెట్‌లో ఆడుతున్న తొలి క్రికెటర్‌గా ముజీబ్ అరుదైన ఘనత సాధించాడు.

ముజీబ్‌కు ఇంగ్లిష్‌ రాదు

ప్రస్తుతం అంతర్జాతీయ క్రికెట్‌లో చైనామన్‌ స్పిన్నర్లు, మణికట్టు స్పిన్నర్ల హవా నడుస్తున్న సమయంలో వేళ్లతో భలేగా బంతిని తిప్పుతూ ముజీబ్ ఉర్ రెహ్మాన్ ఆకట్టుకుంటున్నాడు. పంజాబ్‌ కెప్టెన్‌ రవిచంద్రన్‌ అశ్విన్‌ స్వయంగా ఆఫ్‌స్పిన్నర్‌ కావడం కూడా ముజీబ్‌ మెరుగైన ప్రదర్శనకు మరో కారణం. ఇక్కడ విశేషం ఏంటేటే ముజీబ్‌కు ఇంగ్లిష్‌ రాదు. హిందీ కూడా అర్థం కాదు.