హైదరాబాద్: చెన్నై సూపర్ కింగ్స్ కెప్టెన్ మహేంద్ర సింగ్ ధోని ఖాళీ సమయం దొరికితే చాలా తన గారాలపట్టి జీవాతో సరదాగా గడిపేస్తుంటాడు. తన కుమార్తె జీవాతో కలిసి చేసిన అల్లరిని సోషల్ మీడియా ద్వారా అభిమానులతో పంచుకుంటూ ఉంటాడు ధోని. తాజాగా తాజాగా ఈ తండ్రికూతుళ్లిద్దరికి సంబంధించిన మరో వీడియోను ఇన్స్టాగ్రామ్లో పోస్ట్ చేశాడు.
ఐపీఎల్ 2019 రికార్డులు, గణాంకాలు, మ్యాచ్ స్కోరు వివరాల కోసం
ఈ వీడియోలో జీవా, ధోని అడిగిన ఓ ప్రశ్నకు ఆరు భాషల్లో సమాధానం చెప్పడం విశేషం. ధోనీ తన కూతుర్ని 'హౌ ఆర్ యూ'(ఎలా ఉన్నావు) అని తమిళ్, బెంగాలీ, గుజరాత్, పంజాబీ, భోజ్పూరి, ఉర్దూ భాషల్లో అడుగుతాడు. జీవా కూడా ధోని ఏ భాషలో ప్రశ్నిస్తే అదే భాషలో సమాధానం చెప్పి అభిమానులను ఆశ్చర్యానికి గురి చేసింది.
కాగా, ఐపీఎల్ 2019 సీజన్లో ధోని నాయకత్వంలోని చెన్నై సూపర్ కింగ్స్ బోణీ కొట్టిన సంగతి తెలిసిందే. చెపాక్ వేదికగా శనివారం జరిగిన తొలి మ్యాచ్లో చెన్నై7 వికెట్ల తేడాతో బెంగళూరు రాయల్ చాలెంజర్స్పై విజయం సాధించిన సంగతి తెలిసిందే. తొలుత బ్యాటింగ్ చేసిన ఆర్సీబీ 17.1 ఓవర్లలో 70 పరుగులకే ఆలౌట్ కాగా... అనంతరం చెన్నై 17.4 ఓవర్లలో 3 వికెట్లు కోల్పోయి లక్ష్యాన్ని చేధించింది.