' పిచ్‌పై ధోనీ అసహనం.. ఇలాంటి పిచ్‌లపై బ్యాటింగ్ చాలా కష్టం'

తొలి టెస్ట్ ఇక్కడే ఆడాను:

మ్యాచ్ అనంతరం చెన్నై కెప్టెన్ ధోనీ మాట్లాడుతూ... 'ఇక్కడి మైదానంతో నాకు విడదీయని అనుబంధం ఉంది. చెన్నై జట్టుకు మొదటి నుంచి ప్రాతినిధ్యం వహిస్తున్నాను. నా తొలి టెస్ట్ ఇక్కడే ఆడాను. ఇక్కడి అభిమానులు చెన్నై జట్టును చాలా ఆదరిస్తున్నారు. మ్యాచ్‌లను విజయాలతో ముగించాలనే మేము ప్రయత్నం చేస్తున్నాం' అని ధోనీ తెలిపారు.

ఇలాంటి వికెట్‌పై ఎవరు ఆడుతారు:

'ఇలాంటి పిచ్‌లపై ఆడాలని నేను అనుకోవట్లేదు. ఇలాంటి పిచ్‌లు ఎవరూ కోరుకోరు. వికెట్‌ నెమ్మదిస్తుంటే పరుగులు చేయడానికి చాలా ఇబ్బంది పడ్డాం. ఇన్నింగ్స్ మొదటలో మరీ దారుణంగా ఉంది. కొద్దిగా మంచు వచ్చిన తర్వాత పర్వాలేదనిపించింది. ఈ పిచ్‌పై సమతూకమైన జట్టుతో దిగడం కూడా కష్టమే. ఇలాంటి వికెట్‌పై ఎవరు ఆడుతారని' ధోనీ మండిపడ్డాడు.

సీజన్ మొదటి మ్యాచ్‌లో కూడా:

ఈ సీజన్ మొదటి మ్యాచ్‌లో కూడా క్యూరెటర్ ఇలాంటి పిచ్‌నే సిద్దం చేయడంతో.. మొదటగా బ్యాటింగ్ చేసిన బెంగళూరు 70 పరుగులకే ఆలౌట్ అయింది. అనంతరం స్వల్ప లక్ష్య చేధనకు దిగిన చెన్నై 18 ఓవర్లు ఆడి గెలుపొందింది. అప్పుడు కూడా ధోని తీవ్ర ఆగ్రహం వ్యక్తం చేశాడు.