Click it and Unblock the Notifications
అలసిన ధోనికి వాటర్ ఇచ్చిన జీవా
దీంతో కోహ్లీ జట్టు 2-0తో తొలి అర్ధభాగంలోనే ఆధిపత్యం దిశగా దూసుకెళ్లింది. ఇదిలా ఉంటే మ్యాచ్ విరామ సమయంలో అలసిపోయి వస్తున్న ధోనీని చూసిన చిట్టి తల్లి జీవా వాటర్ బాటిల్ తీసుకుని మైదానంలో ధోనికి ఎదురెళ్లింది. అక్కడే మోకాళ్లపై కూర్చుని జీవా చేతుల మీదుగా కొన్ని నీళ్లు తాగి.. ప్రేమతో హత్తుకున్నాడు.
సోషల్ మీడియాలో వీడియో వైరల్
ఇందుకు సంబంధించిన వీడియో ఒకటి సోషల్ మీడియాలో వైరల్ అయింది. కాగా, ఈ మ్యాచ్లో అభిషేక్ బచ్చన్ ఆల్ స్టార్స్ జట్టుపై విరాట్ కోహ్లీ నేతృత్వంలోని ఆల్ హార్ట్స్ జట్టు 7-3 తేడాతో ఘన విజయం సాధించింది. ఈ మ్యాచ్లో ధోని రెండు గోల్స్తో ఆల్ హార్ట్స్ విజయంలో కీలక పాత్ర పోషించాడు.
బెక్హామ్ తరహాలో గోల్ చేసిన ధోని
బెక్హామ్ తరహాలో రెండు చూడముచ్చటైన ఫ్రీ కిక్ గోల్స్ కొట్టి అభిమానులను అలరించాడు. ఆ తర్వాత 39వ నిమిషంలో లభించిన ఫ్రీ కిక్ను మరోసారి నెట్లోకి పంపిన ధోని జట్టును 2-0తో ఆధిక్యంలో నిలబెట్టాడు. ధోని చేసిన గోల్స్పై సోషల్ మీడియాలో పెద్ద చర్చే మొదలైంది.
92వ నిమిషంలో కోహ్లీ గోల్
ఈ మ్యాచ్లో శ్రీకాంత్ కూడా రెండు గోల్స్ సాధించాడు. మరోవైపు 57వ నిమిషంలో రణ్బీర్ కపూర్ గోల్ చేయడంతో ఆల్ స్టార్స్ ఎట్టకేలకు రేసులోకొచ్చింది. 87వ నిమిషంలో కేదార్ జాదవ్ గోల్ కొట్టగా.. 92వ నిమిషంలో కోహ్లీ గోల్ చేశాడు. ఈ మ్యాచ్లో భారత క్రికెటర్లతో పాటు టెన్నిస్ ప్లేయర్ బోపన్న, హాకీ కెప్టెన్ శ్రీజేశ్ కూడా ఆల్ హార్ట్స్ జట్టు తరఫున ఆడారు.
Continue with Google