2nd ODI: ధోని మెరుపు స్టంపింగ్, అవాక్కైన రాస్ టేలర్ (వీడియో)

క్షణాల వ్యవధిలోనే వికెట్లను గీరాటేసిన ధోని

అయితే, అప్పటికే బంతిని అందుకున్న ధోనీ.. క్షణాల వ్యవధిలోనే వికెట్లను గీరాటేశాడు. ఔట్ కోసం ధోనీ అప్పీల్ చేయగా.. బ్యాట్స్‌మెన్ క్రీజు వదిలి ఎక్కువ దూరం వెళ్లకపోవడం‌తో ఫీల్డ్ అంపైర్‌... థర్డ్ అంపైర్‌కి నివేదించాడు. రిప్లైని పరిశీలించిన థర్డ్ అంపైర్‌ ధోనీ బెయిల్స్‌ను పడగొట్టిన సమయంలో రాస్ టేలర్ పాదం గాల్లో ఉన్నట్లు తేలడంతో ఔట్‌గా ప్రకటించాడు.

థర్డ్ అంపైర్‌కి నివేదించిన ఫీల్డ్ అంఫైర్

తొలుత ధోని అప్పీల్ చేసినప్పుడు ఫీల్డ్ అంపైర్‌ తొలుత నాటౌట్ అని తల అడ్డంగా ఊపాడు. అయితే, ఆ తర్వాత థర్డ్ అంపైర్‌కి నివేదించడంతో ఆఖరి క్షణం వరకూ బ్యాట్స్‌మెన్ రాస్ టేలర్ ఆత్మవిశ్వాసంతో కనిపించాడు. అయితే, చివరకు పాదం గాల్లో ఉండటం.. థర్డ్ అంఫైర్ ఔట్‌గా ప్రకటించడంతో నిరాశగా పెవిలియన్‌కు చేరాడు.

ఓటమి దిశగా న్యూజిలాండ్

ఇందుకు సంబంధించిన వీడియోలు సోషల్ మీడియాలో వైరల్ అయ్యాయి. ఇదిలా ఉంటే, ఈ మ్యాచ్‌లో ఆతిథ్య న్యూజిలాండ్ జట్టు ఓటమి దిశగా పయనిస్తోంది. 37 ఓవర్లు ముగిసే సరికి 8 వికెట్లు కోల్పోయి 218 పరుగులు చేసింది. న్యూజిలాండ్ విజయానికి 113 పరుగులు చేయాల్సి ఉంది.