శునకంతో పరుగు
శునకంతో పరుగు తీస్తున్న వీడియోను మహమ్మద్ షమీ శుక్రవారం ఇన్స్టాగ్రామ్లో పోస్ట్ చేశాడు. 'జాక్తో స్పీడ్వర్క్' అని వీడియోకి క్యాప్షన్ రాసుకొచ్చాడు. ఈ పరుగులో ఎక్కువ భాగం షమీనే ఆధిపత్యం ప్రదర్శించినా.. చివరలో శునకం అతణ్ని దాటేసింది. ప్రస్తుతం ఈ వీడియో నెట్టింట్లో వైరల్ అయింది. టీమిండియా అన్ని ఫార్మాట్లలో కీలక బౌలర్గా షమీ ఉన్నాడు. మళ్లీ ఆట ప్రారంభమయ్యే నాటికి పూర్తి ఫిట్నెస్ను సాధించేందుకు కృషి చేస్తున్నాడు.
లాక్డౌన్ సమయంలో మాస్కులు
లాక్డౌన్ సమయంలో ప్రజలకు మాస్కులతో పాటు నిత్యావసరాలను మహమ్మద్ షమీ సైతం అందించాడు. రహదారులపై వెళుతున్న వలస కార్మికులకు ఆహారాన్ని అతడు అందించిన విషయ తెలిసిందే. షమీ భారత్ తరఫున 49 టెస్టులు ఆడి 180 వికెట్లు, 77 వన్డేలు ఆడి 144, 11 టీ20లు ఆడి 12 వికెట్లు పడగొట్టాడు. ఆస్ట్రేలియా, న్యూజిలాండ్లలో జరిగిన 2015 ప్రపంచకప్లో షమీ అద్భుత ప్రదర్శన చేసాడు. మెగా టోర్నీలో ఉమేష్ యాదవ్ (18) తర్వాత అత్యధిక వికెట్లు (17) తీసిన భారత బౌలర్ షమీనే. 2015 ప్రపంచకప్లో 7 మ్యాచ్లాడిన షమీ.. 17.29 సగటుతో 17 వికెట్లు పడగొట్టాడు.
షమీ స్త్రీలోలుడు
రెండేళ్ల క్రితం మహమ్మద్ షమీ భార్య హాసిన్ జహాన్ అతనిపై సంచలన ఆరోపణలతో పోలీసులకు ఫిర్యాదు చేసిన విషయం తెలిసిందే. షమీ స్త్రీలోలుడని, అతని కుటుంబం ఆమెను అనేక ఇబ్బందులు గురిచేసిందని, లైంగికంగా కూడా వేదించారిని పోలీసులకు ఫిర్యాదు చేసింది. అంతేకాకుండా షమీ మ్యాచ్ ఫిక్సింగ్కు పాల్పడ్డాడని, తప్పుడు వయసు పత్రాలు సమర్పించి క్రికెట్లో వచ్చాడని ఆరోపించింది. ఆమె ఫిర్యాదుతో కోల్కతా పోలీసులు షమీ, అతని సోదరుడిపై గృహ హింస చట్టం కింద కేసు నమోదు చేశారు. హాసిన్ ఆరోపణలతో విచారణ చేపట్టిన బీసీసీఐ.. అతను ఎలాంటి తప్పు చేయలేదని క్లీన్ చీట్ ఇచ్చింది.
జకోవిచ్ కోచ్కు కరోనా పాజిటివ్!!
https://telugu.mykhel.com/tennis/novak-djokovic-coach-goran-ivanisevic-tests-positive-for-coronavirus-028849.html