షమీకి ర‌న్‌అప్ ప్రాబ్లమ్, బుమ్రా కంట్రీ క్రికెట్ ఆడాలి: వసీమ్ అక్రమ్

షమి ఆగి వేగం తగ్గిస్తున్నాడని అనిపిస్తోంది

'బౌలింగ్‌ చేసేటప్పుడు షమి ఆగి వేగం తగ్గిస్తున్నాడని అనిపిస్తోంది. క్రీజు వద్దకు వచ్చే సమయానికి సమంగా అడుగులు వేసి పరుగెత్తితే అతడి బౌలింగ్‌ బాగుంటుంది. మధ్యలో కాస్త ఆగినట్టు అడుగులు వేస్తే వ్యతిరేక ఫలితాలు వస్తాయి. దృఢంగా ఉండే షమి ఇప్పటికే అంతర్జాతీయ క్రికెట్‌లో మంచి బౌలర్‌గా ఎదిగాడు. అందుకే ఈ చిన్న సవరణలు చేసుకుంటే చాలా బాగుంటుంది' అని అన్నాడు.

షమీలో ఓ చిన్న సమస్య ఉంది

అంతేకాదు షమీ తన శరీర కండరాలపై దృష్టి పెట్టాలని అక్రమ్ సూచించాడు. 'షమీలో ఓ చిన్న సమస్య ఉంది. షోయబ్ అక్తర్‌ను చూస్తే అతడు మోకాలు సమస్యతో బాధపడ్డాడు. షమీ కూడా లోయర్ బాడీ కండరాలపై వర్క్ చేస్తే బాగుంటుంది. అంతర్జాతీయ క్రికెట్‌లో షమీ మరో పదేళ్లు రాణించగలడు. కాబట్టి అతడు తన శరీరంపై దృష్టి సారించాలి' అని అక్రమ్ అన్నాడు.

మైకేల్‌ హోల్డింగ్స్‌ వ్యాఖ్యలతో ఏకీభవించిన అక్రమ్

ఇక, జస్ప్రీత్ బుమ్రా కౌంటీ క్రికెట్‌ ఆడితే ఇంకా మెరుగవుతాడు అన్న మాజీ క్రికెటర్‌ మైకేల్‌ హోల్డింగ్స్‌ వ్యాఖ్యలతో అక్రమ్‌ ఏకీభవించాడు. ‘మైక్‌తో నేను ఏకీభవిస్తాను. ఇంగ్లాండ్‌ పిచ్‌లపై అనుభవం ఉంటేనే బుమ్రా పిచ్‌పై బంతిని బలంగా వేయగలడు. ఏడాదిలో ఒక నెల అతడు కౌంటీ క్రికెట్‌ ఆడేలా బీసీసీఐ అనుమతి ఇస్తే మంచిది' అని అన్నాడు.

కౌంటీలకు బుమ్రాను ఒక నెల పాటు వదిలివేయాలి

'కౌంటీలకు బుమ్రాను ఒక నెల పాటు వదిలివేయాలి. ఐపీఎల్‌ సమయంలో ఒక నెల బుమ్రాని ఇంగ్లాండ్‌ పంపించాలి. అప్పుడు బుమ్రా మరింత మెరుగైన క్రికెటర్‌ అవుతాడు. బుమ్రా టీ20 స్పెషలిస్టుగా క్రికెట్లో అడుగుపెట్టాడు. టెస్టు ఫార్మాట్‌కు అలవాటు పడాలంటే కాస్త సమయం పడుతుంది. నా దృష్టిలో భువనేశ్వర్ అత్యుత్తమ బౌలర్‌. దక్షిణాఫ్రికాలో అతడు అద్భుత ప్రదర్శన చేస్తున్నాడు' అని అక్రమ్‌ అన్నాడు.