లాజిక్‌తో ప్రశ్నించారు: షమీ భార్య స్లీవ్ లెస్ గౌనుపై షమీ తండ్రి

నా కోడలు కూడా నా కూతురు లాంటిదే: షమీ తండ్రి

'నా కోడలు కూడా నా కూతురు లాంటిదే. ప్రస్తుతం చాలా మంది ముస్లిం యువతులు బుర్ఖాలను ధరించలేదు. ముస్లిం దేశాలైన పాకిస్థాన్, ఇండోనేషియా, ఇరాన్, ఇరాక్, మలేషియాలో మహిళా రాజకీయ నేతలు, సినిమా హీరోయిన్లు, స్పోర్ట్స్ మహిళలు బుర్ఘా ధరించడం మీరు ఎప్పుడైనా చూశారా' అంటూ షమీ తండ్రి తౌషీఫ్ మీడియాలో ప్రశ్నించారు.

షమీ ఓ అంతర్జాతీయ క్రికెటర్: షమీ తండ్రి

షమీ ఓ అంతర్జాతీయ క్రికెటర్ అని, తన స్టాండర్స్, స్టేటస్‌కు తగ్గట్టుగా జీవిస్తాడని ఆయన స్పష్టం చేశారు. తన బెడ్ రూం లైఫ్‌లో కలగజేసుకునే అధికారం ఎవరికీ లేదని ఆయన సూచించారు. తన భార్య అంజుమ్ అరా, తన మరో కుమారుడి భార్య అసీబ్ కూడా బుర్ఘా ధరించరని ఆయన కుండబద్దలు కొట్టేశారు.

నాకు ఎలాంటి ఇబ్బందిలేదు: షమీ తండ్రి

అయినప్పటికీ తనకెలాంటి ఇబ్బంది లేదని ఆయన వెల్లడించారు. షమీ భార్య హసిన్ జహాన్‌‌తో మాట్లాడటం జరిగిందని ఆయన తెలిపారు. ఇదిలా ఉంటే ట్విట్టర్, ఫేస్‌బుక్ పేజీలలో ఫోటోలను షమీ పోస్ట్ చేసినా, రెండింట్లో విభిన్నంగా కామెంట్లు వచ్చాయి. ఫేస్‌బుక్‌లో ఎక్కువగా దుస్తులకు వ్యతిరేకంగా కామెంట్లు వస్తే ట్విట్టర్లో మాత్రం ఫోటోలు బాగున్నాయంటూ, ఇండియన్ ముస్లింలు మీలాగే ఉండాలని భావిస్తున్నామంటూ కామెంట్లు రావడం గమనార్హం.

షమీకి మద్దతుగా క్రికెటర్ మొహమ్మద్ కైఫ్

టీమిండియా సీనియర్ క్రికెటర్ మొహమ్మద్ కైఫ్... షమీకి మద్దతుగా నిలిచాడు. 'ఇలాంటి వ్యాఖ్యలు చాలా సిగ్గుపడేలా ఉన్నాయి. మహ్మద్ షమీకి నా మద్దతు ఉంటుంది. దేశంలో చాలా సమస్యలు ఉన్నాయి. నేను చెప్పదలచుకున్నది అర్థమయ్యి ఉంటుందని భావిస్తున్నా' అని కైఫ్ తన ట్విట్టర్‌లో ట్విట్ చేశాడు.

షమీకి మద్దతుగా జావెద్‌ అఖ్తర్‌

ఇక బాలీవుడ్ ప్రముఖ గీత రచయిత జావెద్‌ అఖ్తర్‌ కూడా షమీకి బాసటగా నిలిచాడు. ‘‘ఆ అమ్మాయి డ్రెస్‌ ఎంత సొగసుగా, ఎంత పొందికగా ఉంది! ఆమె తొడుక్కున్న డ్రెస్‌తో ఎవరికైనా ప్రాబ్లం ఉందీ అంటే.. అది డ్రెస్‌ ప్రాబ్లం కాదు, బాగోలేదని కామెంట్‌ చేసిన వాళ్ల బుర్రలోని ప్రాబ్లం'' అని అన్నాడు.