ప్రపంచకప్‌: ఆసీస్‌పై ఐదు వికెట్లు తీసిన తొలి బౌలర్‌గా ఆమీర్ రికార్డు

భారీ లక్ష్యంతో బరిలోకి దిగిన పాక్

ఆస్ట్రేలియా నిర్దేశించిన భారీ లక్ష్యంతో బరిలోకి దిగిన పాక్‌కు ఆదిలోనే భారీ షాక్‌ తగిలింది. ఫకార్ జమాన్‌ పరుగులేమి చేయకుండానే కమిన్స్‌ బౌలింగ్‌లో పెవిలియన్‌‌కు చేరాడు. అనంతరం క్రీజులోకి వచ్చిన బాబర్‌ మరో ఓపెనర్‌ ఇమాముల్‌తో కలిసి ఇన్నింగ్స్‌ను చక్కదిద్దే ప్రయత్నం చేశారు.

136 పరుగులకు రెండు వికెట్లు

దూకుడుగా ఆడే క్రమంలో బాబర్‌ ఆజామ్ (30)ను నైల్ పెవిలియన్‌కు చేర్చాడు. ఈ సమయంలో క్రీజులోకి వచ్చిన హఫీజ్‌తో కలిసి ఇమాముల్‌ ఇన్నింగ్స్‌ను నడిపిస్తాడు. దీంతో రెండు వికెట్ల నష్టానికి 136 పరుగులు చేసి పట్టిష్ట స్థితిలో ఉంది. దీంతో విజయం పాకిస్థాన్‌దే అని అనుకున్నారంతా.

స్వల్ప వ్యవధిలో ముగ్గురు ఔట్

ఈ సమయంలో ఇమాముల్‌(53), హఫీజ్‌(46), మాలిక్‌(0), అసిఫ్‌ అలీ(5)లు స్వల్ప వ్యవధిలో పెవిలియన్‌కు చేరడంతో పాకిస్థాన్ జట్టు పీకల్లోతూ కష్టాల్లో పడింది. ఈ దశలో కెప్టెన్ సర్ఫరాజ్‌తో కలిసి బౌలర్‌ వాహబ్‌ రియాజ్‌ విజయం కోసం పోరాడాడు. బౌండరీలు బాదుతూ స్కోర్‌ బోర్డు పెంచే ప్రయత్నం చేశారు.

ఎనిమిదో వికెట్‌కు 64 పరుగులు

వీరిద్దరూ ఎనిమిదో వికెట్‌కు 64 పరుగులు జోడించిన అనంతరం వాహబ్‌(45)ను స్టార్క్‌ పెవిలియన్‌కు చేర్చాడు. ఆ తర్వాత క్రీజులోకి వచ్చిన అమిర్‌(0)ను స్టార్క్‌ ఔట్ చేశాడు. ఇక, మ్యాక్స్‌వెల్‌ సూపర్‌ త్రోతో సర్పరాజ్‌ను రనౌట్‌ చేయడంతో ఆసీస్‌ విజయం సాధించింది.

307 పరుగులకు ఆలౌటైన ఆసీస్

అంతకుముందు టాస్‌ ఓడి తొలుత బ్యాటింగ్‌ చేపట్టిన ఆసీస్‌ 49 ఓవర్లలో 307 పరుగులకు ఆలౌటైంది. ఆసీస్‌ ఆటగాళ్లలో వార్నర్‌(107; 111 బంతుల్లో 11ఫోర్లు, 1 సిక్సర్‌) సెంచరీ సాధించగా.. ఆరోన్ ఫించ్‌(82; 84 బంతుల్లో 6ఫోర్లు, 4 సిక్సర్లు) హాఫ్ సెంచరీలతో ఆకట్టుకున్నారు. పాక్‌ బౌలర్లలో అమిర్‌(5/30), షాహిన్‌ ఆఫ్రిది(2/70)లు రాణించారు.