కోహ్లీ విసరిన ఛాలెంజ్: సిద్ధమే అంటోన్న మోడీ(వీడియో)

వీడియోను ట్వీట్ చేసిన విరాట్ కోహ్లి

జిమ్‌లో 20 స్పైడర్ ప్లాంక్స్ చేసిన వీడియోను ట్వీట్ చేసిన విరాట్ కోహ్లి.. మీ ఫిట్‌నెస్ నిరూపించుకోండంటూ.. తన భార్య అనుష్క శర్మ, మిస్టర్ కూల్ మహేంద్ర సింగ్ ధోనీ, ప్రధాని నరేంద్ర మోదీలకు సవాల్ విసిరాడు.

మనం ఫిట్‌గా ఉంటే ఇండియా ఫిట్‌గా ఉంటుందనే

అంతకు ముందు ఈ ఫిట్‌నెస్ ఛాలెంజ్‌ను కేంద్ర క్రీడామంత్రి రాజ్యవర్థన్ సింగ్ రాథోడ్ ప్రారంభించారు. మనం ఫిట్‌గా ఉంటే ఇండియా ఫిట్‌గా ఉంటుందనే హ్యాష్‌ట్యాగ్‌తో తను ఎక్సర్‌సైజ్ చేసిన వీడియోను పోస్ట్ చేసిన రాథోడ్.. హృతిక్ రోషన్, విరాట్ కోహ్లి, సైనా నెహ్వాల్‌లకు ఛాలెంజ్ విసిరాడు. ఈ సవాల్‌ను స్వీకరించిన కోహ్లి.. ప్రధానిని ట్యాగ్ చేస్తూ.. తన ఫిట్‌నెస్ ఫ్రూవ్ చేసుకున్నాడు.

జిమ్‌లో బరువులెత్తుతున్న వీడియోను ట్వీట్ చేసి

సైనా నెహ్వాల్ జిమ్‌లో బరువులెత్తుతున్న వీడియోను ట్వీట్ చేసి రాజ్యవర్థన్ సింగ్ రాథోడ్‌ ఛాలెంజ్‌కు బదులిచ్చింది. తనను ఇందులో భాగం చేసినందుకు మంత్రికి థ్యాంక్స్ చెప్పింది. తన వంతుగా పీవీ సింధు, రానా దగ్గుబాటి, గౌతమ్ గంభీర్‌లకు ఈ ఛాలెంజ్ విసిరింది.

రోజూ ఇలా ఆఫీస్‌కెళ్తానంటూ సైకిల్‌పై వెళ్తున్న

రాథోడ్ ఛాలెంజ్‌ను స్వీకరించిన హృతిక్ రోషన్.. రోజూ ఇలా ఆఫీస్‌కెళ్తానంటూ సైకిల్‌పై వెళ్తున్న వీడియో తీసి ట్వీట్ చేశాడు.