కళ్లు చెదిరే యార్కర్‌తో స్టోక్స్‌ను ఔట్ చేసిన మిచెల్ స్టార్క్ (వీడియో)

286 పరుగుల విజయ లక్ష్యంతో

అనంతరం 286 పరుగుల విజయ లక్ష్యంతో బరిలోకి దిగిన ఇంగ్లాండ్‌కు శుభారంభం దక్కలేదు. పరుగుల ఖాతా తెరవకుండానే వికెట్ల ఖాతా తెరిచింది. ఇన్నింగ్స్‌ రెండో బంతికే ఓపెనర్ జేమ్స్ విన్స్‌ (0)ను బెహ్రన్‌డార్ఫ్‌ క్లీన్‌బౌల్డ్‌ చేయగా.. మిచెల్ స్టార్క్‌ అద్భుత బంతికి జో రూట్‌ (8) వికెట్ల ముందు దొరికిపోయాడు. ఇక పుల్‌ షాట్‌ ఆడబోయి కెప్టెన్ ఇయాన్ మోర్గాన్‌ (4) క్యాచ్ ఔట్ అయ్యాడు. 26 పరుగులకు 3 వికెట్లు కోల్పోయి ఇంగ్లండ్‌ కష్టాల్లో పడింది.

56 పరుగులకే నాలుగు వికెట్లు

ఈ దశలో బెయిర్‌స్టో (27) జట్టును ఆదుకునే ప్రయత్నం చేసాడు. అయితే బెయిర్‌స్టోను బెరెన్‌డార్ఫ్‌ ఔట్‌ చేశాడు. 56కే నాలుగు వికెట్లు కోల్పోయిన ఇంగ్లాండ్‌ పీకల్లోతు కష్టాల్లో కూరుకుపోయింది. సమయంలో పోరాటపటిమను ప్రదర్శించిన స్టోక్స్‌.. బట్లర్‌ (25)తో కలిసి వికెట్లు పడకుండా అడ్డుకున్నాడు. అతడితో 71 పరుగుల భాగస్వామ్యం నెలకొల్పాడు.

స్టార్క్ వేసిన అద్భుత యార్కర్‌కు

రెండు సార్లు ఔటయ్యే ప్రమాదం తప్పించున్న బట్లర్‌.. మిచెల్ స్టార్క్ ఓ తిరుగులేని యార్కర్‌తో పెవిలియన్‌కు చేర్చాడు. స్టార్క్ వేసిన బంతి నేరుగా వికెట్లను గిరాటేసింది. దీంతో బెన్ స్టోక్స్ సైతం ఆశ్చర్యానికి లోనయ్యాడు. బెన్ స్టోక్స్ బౌల్డ్ కావడంతో మ్యాచ్ ఆస్ట్రేలియా వైపు మొగ్గింది. క్రీజులో నిలదొక్కుకుని నిలకడగా ఆడుతోన్న స్టోక్స్ ఔట్ కావడంతో ఆసీస్ అభిమానులు ఊపిరిపీల్చుకున్నారు.

నాలుగు వికెట్లు తీసిన మిచెల్ స్టార్క్

మిడిల్ ఓవర్లలో బెన్‌స్టోక్స్ (89: 115 బంతుల్లో 8 పోర్లు, 2 సిక్సులు) నిలకడగా ఆడటంతో గెలిచేలా కనిపించింది. అయితే, కెప్టెన్ ఇయాన్ మోర్గాన్ (4), జోస్ బట్లర్ (25), మొయిన్ అలీ (6), జో రూట్ (8) కీలక సమయంలో వికెట్లు చేజార్చుకోవడంతో ఒత్తిడికి గురైన ఆ జట్టు 44.4 ఓవర్లలోనే 221 పరుగులకి ఆలౌటైంది. ఆస్ట్రేలియా బౌలర్లలో బెరండ్రాఫ్ ఐదు వికెట్లు తీయగా.. మిచెల్ స్టార్క్ నాలుగు వికెట్లు పడగొట్టాడు.