భారత్ 92 ఆలౌట్: మైకేల్ వాన్ ట్వీట్ మిస్‌ఫైర్, టీమిండియా ఫ్యాన్స్ సెటైర్లు

Michael Vaughan pokes fun at Indias disastrous 92 at Hamilton, gets trolled for Englands show instead

హైదరాబాద్: ఇంగ్లాండ్ మాజీ కెప్టెన్ మైకేల్ వాన్‌పై మరోసారి భారత అభిమానులు మండిపడుతున్నారు. ఇటీవలే కాలంలో టీమిండియా కెప్టెన్ విరాట్ కోహ్లీ, భారత జట్టు ప్రదర్శనపై తన ట్విట్టర్‌లో వ్యంగ్యంగా మైకేల్ వాన్ ట్వీట్లు చేస్తోన్న సంగతి తెలిసిందే. న్యూజిలాండ్‌తో గురువారం హామిల్టన్ వేదికగా జరిగిన నాలుగో వన్డేలో టీమిండియా తక్కువ స్కోరుకే ఆలౌటైన సంగతి తెలిసిందే. తొలుత బ్యాటింగ్ చేసిన టీమిండియా కివీస్ పేసర్లు ట్రెంట్ బౌల్ట్ (5/21), గ్రాండ్‌హోమ్ (3/26) దెబ్బకు 30.5 ఓవర్లలోనే భారత్ 92 పరుగులకి ఆలౌటైంది.

4వ వన్డే ఓటమి ఓ గుణపాఠం: అసంతృప్తి వ్యక్తం చేసిన రోహిత్

ఈ మ్యాచ్‌లో టీమిండియాలోని ఆరుగురు బ్యాట్స్‌మెన్ సింగిల్ డిజిట్‌కే పరిమితమవగా.. ఇందులో ఇద్దరు బ్యాట్స్‌మెన్ దినేశ్ కార్తీక్, అంబటి రాయుడు డకౌట్‌ రూపంలో వెనుదిరిగారు. శిఖర్ ధావన్‌(13), పాండ్యా(16) చాహల్‌(18 నాటౌట్‌), కుల్దీప్‌(15)లు మాత్రమే రెండంకెల స్కోరును చేయడంతో భారత్‌ స్వల్ప స్కోరుకే పరిమితమైంది.

అనంతరం స్వల్ప లక్ష్యంతో బరిలోకి దిగిన న్యూజిలాండ్ జట్టు 14.4 ఓవర్లలో రెండు వికెట్లు కోల్పోయి లక్ష్యాన్ని ఛేదించింది. దీంతో భారత జట్టుపై న్యూజిలాండ్ 8 వికెట్ల తేడాతో విజయం సాధించింది. ఈ నేపథ్యంలో మైకేల్ వాన్ తన ట్విట్టర్‌లో "టీమిండియా 92 ఆలౌట్... ఈ రోజుల్లో ఓ జట్టు 100 పరుగులలోపే ఆలౌట్ కావడాన్ని నేను నమ్మలేకపోతున్నా" అంటూ భారత జట్టుని ఉద్దేశించి ట్వీట్ చేశాడు.

1
44083

'అసలు భారత్‌ జట్టును హేళన చేసే ముందు నీ జట్టు పరిస్థితి చూసుకో' అంటూ ట్వీటర్‌ వేదికగా సోషల్ మీడియాలో నెటిజన్లు విమర్శలు గుప్పిస్తున్నారు. ఇటీవలే వెస్టిండిస్‌తో ముగిసిన తొలి టెస్టులో ఇంగ్లాండ్ జట్టు 77 పరుగులకే ఆలౌటైన స్కోరు కార్డుని జత చేస్తూ మైకేల్ వాన్‌కు ఓ నెటిజన్ ట్వీట్ చేశాడు. 2016లో ఇదే న్యూజిలాండ్ జట్టు టీమిండియా చేతిలో 79 పరుగులకే ఆలౌటైన స్కోరు కార్డుని జత చేస్తూ ఇదేమీంత చెత్త ప్రదర్శన కాదని ట్వీట్ చేశాడు.

For Quick Alerts
ALLOW NOTIFICATIONS
For Daily Alerts
    Story first published: Thursday, January 31, 2019, 16:08 [IST]
    Other articles published on Jan 31, 2019
    POLLS

    Get breaking news alerts from myKhel

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more