Click it and Unblock the Notifications
మరో వికెట్ పడగొడితే:
మాంచెస్టర్ టెస్టులో మరో వికెట్ పడగొడితే టెస్టుల్లో 500 వికెట్లు సాధించిన రెండో ఇంగ్లండ్ బౌలర్గా స్టువర్ట్ బ్రాడ్ ఘనత సాధిస్తాడు. ఇప్పటికే ఈ ఘనతను బ్రాడ్ సహచర ఆటగాడు జేమ్స్ ఆండర్సన్ అందుకున్నాడు. అయితే సౌతాంఫ్టన్ వేదికగా జరిగిన తొలి టెస్టులో తాత్కాలిక కెప్టెన్ బెన్ స్టోక్స్.. బ్రాడ్ను పక్కనపెట్టాడు. సీనియర్ పేసర్ అయిన బ్రాడ్ను తప్పించడం కాస్త వివాదాస్పదమైంది. మాజీలు కూడా ఘాటుగానే స్పందించారు. ఈ నేపథ్యంలో మైకేల్ అథెర్టన్ కూడా స్పందించారు.
500 వికెట్లతో ఆగడు:
'చాంపియన్ క్రీడాకారుడిని జట్టులో నుంచి తప్పిస్తే.. మళ్లీ అంతకు మించిన వేగంతో తిరిగి వస్తాడు. ఈ సిరీస్లో స్టువర్ట్ బ్రాడ్ను చూస్తే ఆ విషయం అర్థమవుతుంది. ఒక్కోసారి జట్టులో చోటు దక్కనప్పుడే మన గురించి మనకు తెలుస్తుంది. బ్రాడ్ జోరు చూస్తే 500 వికెట్లతో అసలు ఆగడు. 600 వికెట్ల మార్కును చేరాలనుకుంటాడు. ఇప్పటికీ అతడిలో ఎంతో స్టామినా ఉంది. సుదీర్ఘంగా బౌలింగ్ చేయగలడు. కీలక సమయాల్లో జట్టును ఆదుకుంటాడు' అని అథెర్టన్ అన్నారు.
వార్న్ బ్యాటింగ్ శైలి అనుకరించడంవల్లే:
స్టువర్ట్ బ్రాడ్ మూడో టెస్టులో దూకుడుగా ఆడి 62 పరుగులు (45 బంతుల్లో) చేయడంతో ఇంగ్లండ్ మెరుగైన స్కోరు సాధించగలిగింది. టెస్టుల్లో ఇంగ్లండ్ తరఫున వేగవంతమైన అర్ధ సెంచరీ (33 బంతుల్లో)లు చేసిన ఆటగాళ్ల జాబితాలో బ్రాడ్ సంయుక్తంగా మూడో స్థానంలో నిలిచాడు. ఆస్ట్రేలియా స్పిన్ దిగ్గజం షేన్ వార్న్ బ్యాటింగ్ శైలిని అనుకరించడంవల్లే భారీ పరుగులు చేశానని బ్రాడ్ చెప్పాడు. 'వ్యూహాత్మకంగా అదే సరైన పని. వార్న్లా ఆడమని ప్రధాన కోచ్ పీటర్ మూర్స్ చెప్పాడు. 2005 యాషెస్ సిరీస్లో అతడెలా ప్రభావవంతంగా ఆడాడో గుర్తుచేశాడు. మైదానంలో ఖాళీలను గుర్తించా. వార్న్లా ఆడాలని నిర్ణయించుకున్నా. ఆఫ్ సైడ్లో పరుగులు రాబట్టా' అని బ్రాడ్ తెలిపాడు.
Continue with Google